اقتاۋلىق تۇلەكتەر مەرەكەلىك كەشتەن باس تارتىپ، جۇرەكپەن ءبولىستى
اقتاۋ قالاسىنداعى مامانداندىرىلعان IT-ليسەيدىڭ 11-سىنىپ وقۋشىلارى بيىلعى مەكتەپ ءبىتىرۋ كەشىن قايىرىمدىلىقپەن الماستىردى. جاس تۇلەكتەر ءسان-سالتاناتتى مەرەكەدەن باس تارتىپ، وعان بولىنەتىن قاراجاتتى ەرەكشە قاجەتتىلىگى بار بالالارعا كومەكتەسەتىن «پەرىشتە» ورتالىعىنا اۋدارۋدى ءجون كوردى.
يگى ىسكە ليسەيدىڭ 97 تۇلەگى ءبىر اۋىزدان كەلىسىپ، ورتاق شەشىم قابىلداعان. بۇل – تەك ماتەريالدىق ەمەس، رۋحاني دامۋدىڭ دا ايقىن كورىنىسى. ولار بۇل باستامانى ومىرلىك ۇستانىم مەن جاۋاپكەرشىلىكتىڭ سيمۆولى رەتىندە باعالايتىنىن جەتكىزدى.
مەكتەپ ۇجىمى مەن اتا-انالار دا بۇل شەشىمدى قولداپ، جاس تۇلەكتەرگە العىسىن ءبىلدىردى. ال «پەرىشتە» ورتالىعىنىڭ ۇجىمى بۇل كومەكتىڭ بالالار ءۇشىن ۇلكەن قۋانىش پەن قولداۋ ەكەنىن اتاپ ءوتتى.
جاستاردىڭ بۇل ارەكەتى – وزگەلەرگە ۇلگى، قوعامدا مەيىرىمدىلىك پەن جاناشىرلىقتىڭ ءالى دە بار ەكەنىن دالەلدەگەن جارقىن وقيعا.
You Might Also Like
-
ماسەلە باستان اسادى: كولىك ءمينيسترى نە ءۇشىن كۇتپەگەن جەردەن قىزمەتىنەن كەتتى؟
-
سولتۇستىك قازاقستان وبلىسىندا ەكى جاسار بالانىڭ ءومىرىن ءبىر ساتتىك بەيقامدىق جالمادى. قايعىلى جاعداي 13 ماۋسىم كۇنى پەتروپاۆل قالاسىنا قاراستى بىرلىك شاعىناۋدانىندا تىركەلدى. ءسابي كۇنباعىس دانىنە قا...
