اقتوبە وبلىسىندا فۋتبول قاقپاسى قۇلاپ، وقۋشى جان تاپسىردى
قايعىلى وقيعا 5 قازان كۇنى اقتوبە وبلىسى شالقار اۋدانى تۇمالىكول اۋىلىندا بولعان ەكەن. م.ورىنباساروۆ اتىنداعى اۋىل مەكتەبىنىڭ فۋتبول الاڭىندا 11 سىنىپ وقۋشىسىنا قاقپا قۇلاپ، بالا جان تاپسىرعان.
Aktobetimes.kz رەداكسياسىنىڭ اقپاراتىنا سۇيەنسەك، 17 جاستاعى نۇرسەرىك اۋدانارالىق جارىستان كەيىن قازا تاپقان. بالانىڭ ۇستىنە فۋتبول قاقپاسى قۇلاپ كەتكەن كورىنەدى.
شالقار اۋدانى ءبىلىم بەرۋ ءبولىمى باسشىسىنىڭ مىندەتىن اتقارىپ وتىعان امانگەلدى قوناتبايەۆ جارىس تۋرالى اقپاراتتى جوققا شىعارعان. «ەشقانداي جارىس بولعان جوق. وقۋشىلار كەشكە جاقىن اۋىل شەتىندەگى فۋتبول الاڭىنا بارعان. بۇل الاڭدى وقۋشىلاردىڭ ءوزى جابدىقتاعان. نۇرسەرىك قاقپانىڭ ۇستىنە شىققان كەزدە، قاقپامەن قوسا قۇلاعان شىعار... وسى ءىس بويىنشا بىزگە كوميسسيا كەلىپ كەتتى. كوميسسيانىڭ قورىتىندىسى - قايعىلى وقيعا...»، - دەيدى ول.
نۇرسەرىك تۇمالىكول اۋىلىنىڭ مەكتەبىنە بيىل عانا اۋىسىپ كەلگەن ەكەن. بۇعان دەيىن ىرعىز اۋدانىنا قاراستى اۋىلداردىڭ بىرىندە ءبىلىم العان. مارقۇمنىڭ اتا-اناسى سول ىرعىز اۋدانىنداعى اۋىلدا تۇرادى.
You Might Also Like
-
الەم ءبىز ويلاعاننان دا قىزىقتى ءارى كۇردەلى، ميكروسكوپ اينەگى ارقىلى قاراساڭ بولعانى. قاراپايىم زاتتار مەن جاندىكتەردىڭ اسەمدىگىن كورسەتۋ ءۇشىن Nikon’s Small World ميكروسۋرەتتەر سايىسى قۇرىلعان...
-
استاناداعى ترانسفۋزيولوگيا عىلىمي-وندىرىستىك ورتالىعى ماماندارى قازاقتىڭ بويىنان ترانسپلانتولوگيا بارىسىندا الماستىرىلعان مۇشەنىڭ ۇلاسىپ كەتۋىنە جول بەرمەيتىن انتيگەن تاپتى، دەپ xابارلايدى قازاقپارات.
