بيىل وقو-دا 42 مەكتەپ پەن 6 بالاباقشا پايدالانۋعا بەرىلدى
وڭتۇستىك قازاقستان وبلىسىندا ۇستىمىزدەگى جىلى جاڭا 42 مەكتەپ جانە 6 بالاباقشا پايدالانۋعا بەرىلدى. ناتيجەسىندە 11 اپاتتى جانە 9 ءۇش اۋىسىمدا وقىتاتىن مەكتەپ ماسەلەسى شەشىلدى. بۇل تۋرالى بۇگىن استانادا ورتالىق كوممۋنيكاسيالار قىزمەتىندە وتكەن باسپا ءسوز ءماسليxاتىندا وڭتۇستىك قازاقستان وبلىسى اكىمىنىڭ ورىنباسارى ۇلاسبەك سادىبەكوۆ ءمالىم ەتتى.
«وبلىستا الەۋمەتتىك ماسەلەلەردى شەشۋگە ۇلكەن كوڭىل بولىنۋدە. وقو-دا جۇمىسپەن قامتۋعا جاردەمدەسۋ كەشەندى جوسپارىن جانە «جۇمىسپەن قامتۋ-2020» باعدارلاماسىن ىسكە اسىرۋ اياسىندا 53،5 مىڭ ادام جۇمىسپەن قامتىلدى. رەسپۋبليكالىق كورسەتكىشتىڭ 3\1 بولىگىن قۇرايدى. 9،7 ملرد تەڭگە يگەرىلدى. باعدارلاما اياسىندا جۇرگىزىلگەن شارالاردىڭ ناتيجەسىندە جۇمىسسىزدىق دەڭگەيى 0،1 پايىزعا تومەندەپ، 5،2 پايىزدى قۇرايدى. جاستار اراسىنداعى جۇمىسسىزدىق دەڭگەيى 3،6 پايىزدى قۇراپ وتىر»، - دەدى ول.
سونداي-اق، باسپا ءسوز الدىندا وبلىس باسشىسىنىڭ ورىنباسارى ءبىلىم مەن دەنساۋلىق ساقتاۋ سالاسىنداعى جەتىستىكتەرگە توقتالدى.
«ۇستىمىزدەگى جىلى جاڭا 42 مەكتەپ جانە 6 بالاباقشا پايدالانۋعا بەرىلىپ، ناتيجەسىندە 11 اپاتتى جانە 9 ءۇش اۋىسىمدا وقىتاتىن مەكتەپ ماسەلەسى شەشىلدى. سونىمەن بىرگە 37 مەكتەپكە دەيىنگى ءبىلىم بەرۋ مەكەمەلەرى اشىلىپ، ناتيجەسىندە بالالاردى مەكتەپكە دەيىنگى بىلىممەن قامتۋ ۇلەسى 83،3 پايىزعا جەتتى. بۇل كورسەتكىش وتكەن جىلدىڭ سايكەس كەزەڭىمەن سالىستىرعاندا، 6 مىڭ بالاعا ارتتى»، - دەدى ۇ. سادىبەكوۆ.
«دەنساۋلىق ساقتاۋ سالاسىندا جۇرگىزىلگەن جۇيەلى جۇمىستاردىڭ ناتيجەسىندە ولىم-جىتىمدەر تۋبەركۋلەزدەن 15 پايىزعا، ونكولوگيادان 14،1 پايىزعا، قان اينالىمى جۇيەسىنىڭ اۋرۋلارىنان 16،7 پايىزعا كەمىدى. سونىمەن قاتار نارەستە ءولىمى 17،2 پايىزعا ازايىپ وتىر»، - دەپ اتاپ ءوتتى وبلىس اكىمىنىڭ ورىنباسارى.
You Might Also Like
-
قوجاباقى اۋىلى جايلى ەرتەرەكتە شىققان "ساعىندىم سەنى، اراندىم" دەپ اتالاتىن ءان بار. بۇل - اۋىل جايلى ءان.
