Photo: Pixabay (https://www.pexels.com/@pixabay) / Pexels
اقتوبە وبلىسىندا جول بويىنداعى قورشاۋ كولىكتى تەسىپ ءوتتى: اۋىر جول اپاتى
اقتوبە وبلىسىندا جول بويىنداعى تەمىر قورشاۋ كولىكتىڭ ىشىنەن ءوتىپ كەتكەن اۋىر جول اپاتى بولدى. وقيعا سالدارىنان 39 جاستاعى جۇرگىزۋشى اۋرۋحاناعا جاتقىزىلدى.
بۇل تۋرالى Infohub.kz اقپارات اگەنتتىگى حابارلايدى.
جول اپاتى سامارا-شىمكەنت تاس جولىندا تىركەلدى. پوليسيا مالىمەتىنشە، اقتوبە قالاسىنىڭ 39 جاستاعى تۇرعىنى كوبدا اۋىلىنان وبلىس ورتالىعىنا قاراي كەلە جاتقان. كولىك تىزگىنىندە وتىرعان ازامات رۋلگە يە بولا الماي، جول بويىنداعى قورشاۋعا سوعىلعان.
كولىكتىڭ ىشىنەن وتكەن تەمىر
Toyota ماركالى اۆتوكولىك قورشاۋعا جوعارى جىلدامدىقپەن سوعىلعان. الەۋمەتتىك جەلىدە پايدا بولعان سۋرەتتەرگە قاراعاندا، تەمىر كونسترۋكسيا كولىكتىڭ جۇرگىزۋشى وتىراتىن جاعىنان كىرىپ، سالونى ارقىلى ءوتىپ، ۇلكەن تەسىك قالدىرعان.
قۇقىق قورعاۋ ورگاندارىنىڭ حابارلاۋىنشا، اپات كەزىندە ەر ادام كولىكتە جالعىز بولعان.
جۇرگىزۋشى اۋرۋحاناعا جەتكىزىلدى
«اپات سالدارىنان جۇرگىزۋشى جاراقاتتارىمەن اۋرۋحاناعا جەتكىزىلدى. وقيعانىڭ ءمان-جايى انىقتالۋدا. بارلىق جول قوزعالىسى قاتىسۋشىلارىن ەرەجەلەردى، جىلدامدىق رەجيمىن قاتاڭ ساقتاۋعا جانە رۋلدە وتىرعاندا اسا ۇقىپتى بولۋعا شاقىرامىز»، - دەپ حابارلادى اقتوبە وبلىستىق پوليسيا دەپارتامەنتىنىڭ باسپا ءسوز قىزمەتى.
-
نا فونە وبوسترەنيا سيتۋاسيي نا بليجنەم ۆوستوكە سترانى ورگانيزۋيۋت ۆىۆوز سۆويح گراجدان. ستويموست ي ۋسلوۆيا ۆوزۆراششەنيا دوموي زناچيتەلنو رازليچايۋتسيا.
-
A severe accident occurred on the Samara-Shymkent highway when a Toyota collided with a roadside guardrail، resulting in serious injury to the driver.
