اشىق دەرەككوز
اقتوبەدە كۇيەۋىن ولتىرگەن ايەل سوت زالىنان بوساتىلدى
اقتوبەدە كۇيەۋىن ءولتىردى دەگەن ايىپپەن سوتتالعان 37 جاستاعى كسەنيا سەدوۆا سوت زالىنان بوساتىلدى. بۇل تۋرالى Politico.kz حابارلادى.
وقيعا وتكەن جىلدىڭ كوكتەمىندە بولعان. تەرگەۋ مالىمەتتەرى بويىنشا، ايەل جازعى اس ۇيدە تاماق دايىنداپ وتىرعاندا، ماس كۇيدە كەلگەن جۇبايىمەن جانجال شىققان. سول كەزدە سەدوۆا كۇيەۋىنە ەكى رەت پىشاق سۇعىپ، سالدارىنان ول قايتىس بولعان.
باستاپقىدا ايەل «ادام ءولتىرۋ» بابىمەن قاماۋعا الىنعانىمەن، كەيىن ءىس «جان كۇيزەلىسى (اففەكت) جاعدايىندا جاسالعان ادام ءولتىرۋ» بابىنا اۋىستىرىلىپ، امنيستياعا ىلىگىپ بوساتىلعان ەدى. الايدا، جابىرلەنۋشى تاراپتىڭ ادۆوكاتى مەملەكەتتىك ساراپتاما قورىتىندىسىنا كۇمان كەلتىرىپ، جەكە ساراپشىعا جۇگىنگەن. ساراپشىنىڭ پىكىرىنشە، سەدوۆا قىلمىس كەزىندە اففەكت جاعدايىندا بولماعان. وسىدان كەيىن 2025 جىلدىڭ قازان ايىندا ايەل قايتا قاماۋعا الىندى.
سوت پروسەسىندە سەدوۆانىڭ كۇيەۋىنىڭ الكوگولگە تاۋەلدىلىگىنەن ءجيى زورلىق كورگەنى، ءتىپتى پوليسياعا بىرنەشە رەت شاعىمدانعانى بەلگىلى بولدى. ول قايعىلى وقيعا كۇنى دە سوققىعا جىعىلعانىن ايتتى.
اقتوبە وبلىسىنىڭ مامانداندىرىلعان اۋدانارالىق قىلمىستىق سوتى سەدوۆانى اففەكت جاعدايىندا ادام ولتىرگەنى ءۇشىن 1 جىل 6 ايعا باس بوستاندىعىنان ايىردى. الايدا، امنيستيا زاڭى قولدانىلىپ، ايەل سوت زالىنان بوساتىلدى. سوت ۇكىمى شىعارىلار الدىندا، ايىپتالۋشىنى جەكە تەكسەرمەگەنى ءۇشىن باسقا ءبىر وڭىرلىك ساراپشىنىڭ قورىتىندىسى جارامسىز دەپ تانىلدى.
-
الماتى وبلىسىنىڭ قاراساي اۋدانىنداعى جول بويىنداعى ستيحيالىق ساۋدا ورىندارى تۇرعىنداردىڭ نارازىلىعىن تۋدىردى. تۇرعىندار بۇل ساۋدا ورىندارى ءقاۋىپتى جاعداي تۋدىرىپ، جول بويىندا كەپتەلىس پەن قوقىسقا سەبەپ بولىپ وتىرعانىن ايتادى.
-
A 37-year-old woman accused of killing her husband has been released from court in Aktobe following an amnesty، amid revelations of domestic abuse.
