Tengrinews.kz
اقتوبەدە قوقىس جاشىگىنىڭ جانىنان ادام دەنەسى تابىلعان سومكە شىقتى
اقتوبەدە قوقىس جاشىگىنىڭ جانىندا جاتقان سومكەدەن ادام دەنەسى تابىلدى. بۇل تۋرالى جەرگىلىكتى تۇرعىندار مەن جۇمىسشىلار حابارلادى. ولاردىڭ ايتۋىنشا، ۇلكەن جۇڭگو سومكەسى بىرنەشە كۇن بويى قوقىس جاشىكتەرىنىڭ اراسىندا جاتىپ، قاتتى ءيىس شىعارعان.
بۇل تۋرالى Infohub.kz اقپارات اگەنتتىگى حابارلايدى.
سۋمكانىڭ ءيىسى سەزىكتەندىردى
№38 مەكتەپ اۋماعىنداعى قوقىس الاڭىنان ەر ادامنىڭ ءمايتى تابىلعان. جەرگىلىكتى اۋلا سىپىرۋشى بولات جۇماعالييەۆتىڭ ايتۋىنشا، سومكە بىرنەشە كۇن بۇرىن بايقالعان جانە ودان شىققان جاعىمسىز ءيىس كوپشىلىكتىڭ نازارىن اۋدارعان.
«ول كەشەگە دەيىن وسىندا جاتتى. قاتتى ءيىس شىقتى. ولىك ءشىرىپ كەتكەن سياقتى. مەن ايەلىم ەكەۋمىز وسىندا اۋلا سىپىرۋشى بولىپ جۇمىس ىستەيمىز. مەن سومكەنىڭ ىشىنە قاراۋعا دا ويلادىم، ءبىراق يىسىنەن جاقىنداي المادىم. شىرىگەن ەت شىعار دەپ ويلادىم. ال كەشە پوليسيا كەلدى، ەشكىمدى جاقىنداتپادى. سويتسەك، ىشىندە ادامنىڭ ولىگى جاتقان ەكەن»، - دەيدى بولات جۇماعالييەۆ.
پوليسيا قانداي شارالار قولدانىپ جاتىر؟
اقتوبە وبلىستىق پوليسيا دەپارتامەنتى بۇل جاعدايدى راستادى. رەسمي مالىمەتتەرگە سۇيەنسەك، قوقىس الاڭىنان 55 جاستاعى ەر ادامنىڭ ءمايتى تابىلعان.
«ءمايىتتى تاپقان فاكتى بويىنشا پوليسيا قىلمىستىق ءىس قوزعادى. وقيعانىڭ ءمان-جايىن انىقتاۋعا باعىتتالعان قاجەتتى تەرگەۋ جانە جەدەل-ىزدەستىرۋ شارالارى جۇرگىزىلىپ جاتىر. تەرگەۋ مۇددەسى ءۇشىن باسقا اقپارات جاريا ەتىلمەيدى»، - دەپ حابارلادى وبلىستىق پوليسيا دەپارتامەنتى.
پوليسيا اقتوبە تۇرعىندارىن جالعان اقپارات تاراتپاۋعا شاقىردى.
-
ەكسپەرتى نازۆالي تري وسنوۆنىە پريۆىچكي، كوتورىە موگۋت سۋششەستۆەننو سوكراتيت پرودولجيتەلنوست جيزني چەلوۆەكا، ي وبياسنيلي، پوچەمۋ.
-
A disturbing discovery was made in Aktobe when a bag containing human remains was found near public trash bins، prompting a police investigation.
