InfoHub Logo

اقتوبەدە قالاسىنداعى №51 مەكتەپ-گيمنازياسىنان شۋ شىقتى. بەسىنشى سىنىپ وقۋشىسىنىڭ اتا-اناسى بالاسىنا قوسىمشا جۇڭگو ءتىلىن ۇيرەتۋ ءۇشىن اتا-انالار جينالىسى وتكەنىن مالىمدەدى.

بۇل تۋرالى ءتىلشى.كز پورتالى حابارلايدى.

«بالالار ونسىز دا قازاق، ورىس، اعىلشىن تىلدەرىندە ساباق وقيدى. ەندى كەلىپ، اپتاسىنا ەكى ساعات جۇڭگو ءتىلىن وقىتۋ كەرەك دەپ شەشىپتى. ونىڭ ۇستىنە، ءوزىمىز ءورىستىلدى بولعان سوڭ، بالامىزدى قازاق مەكتەبىنە بەرگەنبىز، — دەيدى ءاتى-جونىن اتاماۋدى وتىنگەن اتا-انا.

اقتوبە قالالىق ءبىلىم ءبولىمىنىڭ باسشىسى ءلاززات ورازبايەۆا «تىلشىگە» بۇل جايتتان حابارسىز ەكەنىن جەتكىزدى. دەگەنمەن، «اتا-انالار قالاسا، قوسىمشا كۋرس اشۋعا بولادى» دەدى ول.

بەلگىلى بولعانداي، اتالعان مەكتەپ-گيمنازياسىنداعى قوسىمشا جۇڭگو ءتىلى ساباعىن اشۋ تۋرالى باستامانى اتا-انالار ەمەس، ءبىلىم ورداسىنىڭ ءوزى كوتەرگەن ەكەن.

"ءبىزدىڭ مەكتەپتە نەمىس، اراب، فرانسۋز تىلدەرىنىڭ مۇعالىمدەرى جۇمىستان كەتىپ قالدى. جۇڭگو ءتىلى مامانى كەلدى. سوندىقتان، ساراپشىلار كەڭەسى وسى ءپان بويىنشا قوسىمشا ساباق وتكىزۋ جونىندە شەشىم قابىلدادىق. اپتاسىنا ەكى ساعات بەسىنشى سىنىپ وقۋشىلارىن وقىتامىز. مەكتەپ بىتىرگەن تۇلەكتەرىمىز قىتايعا وقۋعا كەتىپ جاتادى. كەيبىرى اقىلى نەگىزدە ءتىل ۇيرەنىپ ءجۇر. وسىلاردى ەسكەرە كەلە، بيىل العاش رەت جۇڭگو ءتىلى ساباعىن ەنگىزىپ وتىرمىز. ونىڭ ءارى قاراي جۇمىس ىستەيتىنىن-ىستەمەيتىنىن كەلەسى جىلى شەشەتىن بولامىز"، — دەيدى № 51 مەكتەپ-گيمنازياسى ديرەكتورىنىڭ ورىنباسارى جاننا قۇسپانوۆا «تىلشىگە».

اقتوبە وبلىستىق ءبىلىم باقسارماسىنىڭ باسشىسى ساۋلە ومىربەكوۆانىڭ ايتۋىنشا، «فاكۋلتاتيۆتى ساباقتار وقۋ جوسپارىنىڭ ءۆارياتيۆتى بولىگىنە سايكەس وتكىزىلەدى. وعان قاتىسۋ ەرىكتى تۇردە، №51 مەكتەپ-گيمنازياسى لينگۆيستيكالىق ءبىلىم بەرۋ مەكەمەسى»، — دەدى ول.

---