InfoHub Logo

اۆتوموبيلدەر وتباسىندا وزدەرىنىڭ كونسەپسيالارىمەن جانە عاجايىپ مۇمكىندىكتەرىمەن ەرەكشەلەنەتىندەرى بارشىلىق. سوڭعى 60 جىل ىشىندە شىعارىلعان ەڭ تاڭعاجايىپ اۆتوموبيلدەردى نازارلارىڭىزعا ۇسىنامىز.

 

 

 Fireberd III 

1959 جىلى شىققان بۇل ماشيناعا قاراساڭىز، ونىڭ كادىمگى اۆتوموبيل مەن رەاكتيۆتى ۇشاق قوسىندىسى ەكەندىگى كۇمان تۋدىرمايدى. وزگەشە ءبىر كۋزوۆقا يە بۇل ءاۆتوموبيلدىڭ 2 بولەك اۆياسيالىق كابيناسى بولعان. باسقارۋ ءۇشىن دە قاراپايىم رۋل ەمەس، ۇشاقتاردا قولدانىلاتىن دجويستيك ورنالاستىرىلعان. 7 ارتقى بەلاعاشى بولعان ءاۆتوموبيلدىڭ ارتقى دوڭگەلەكتەرى اۋا تارتقىشتاردىڭ استىندا مۇلدەم كورىنبەيتىن. اۆتوموبيلدە 225 ات كۇشىنە يە گاز-تۋربينالىق قوزعالتقىش ورناتىلعان بولاتىن.

 Holden Hurricane 

1969 جىلى «داۋىل» دەگەن اتقا يە كۋپە شىققان بولاتىن. وعان اسكەري ۇشاقتارداعى سياقتى عانا كىرە الاتىنسىز: جۇرگىزۋشى مەن جولاۋشى سالونعا جايعاسقاننان كەيىن، ءاۆتوموبيلدىڭ توبەسى جابىلاتىن، ال ورىندىقتارى تومەن قاراي شەگىنىپ، جاتۋعا ىڭعايلى بولاتىن كۇيگە ەنەتىن.

Holden Hurricane سول كەزدەگى الدىڭعى قاتارلى ەلەكترونيكامەن جابدىقتالعان ەدى: وعان ارتقى كورىنىس كامەراسى، كليماتتى اۆتوماتتى باقىلاۋ جۇيەسى، جابدىقتاردىڭ سيفرلىق پانەلى، ءوزىن-وزى كۇيگە كەلتىرەتىن راديو جانە ماگنيتتەر بويىنشا باعىت الاتىن ناۆيگاتور ورناتىلعان ەدى.

 Cadillac Cyclone 

1959 جىلى Cadillac ءوزىنىڭ Cyclone اتتى كونسەپتىسىن شىعارعان ەدى. بۇل اۆتوموبيلدە بۇگىنگى كۇنى تانىمال بولعان قاقتىعىستاردىڭ الدىن الۋ جۇيەسى ورناتىلعان. بۇل اۆتونىڭ الدىڭعى بامپەرىنە ماشينانىڭ الدىنداعى جول بولىگىن سكانەرلەپ، جۇرگىزۋشىنى ىقتيمال قاۋىپ-قاتەر تۋرالى حاباردار ەتەتىن راديولوكاسيالىق جۇيە ورناتىلاتىن.

وعان قوسا، Cadillac Cyclone اشىلاتىن توبەسىمەن جانە بىتىرا مويىنتىرەكپەن ارتقا قاراي اشىلاتىن ەسىكتەرىمەن ەرەكشەلەنەتىن.

 Toyota fun-vii 

بۇل ءاۆتوموبيلدى ءححىى عاسىر ماشيناسى دەپ تە اتايدى. Toyota fun-vii ءاۆتوموبيلىنىڭ كۋزوۆى ءتۇرلى بەينەكونتەنتتى ماشينانىڭ توبەسىنە شىعارۋعا مۇمكىندىك بەرەتىن ارنايى ماتەريالمەن جابدىقتالعان. ناتيجەسىندە ماشينا ءوزىنىڭ ءتۇسىن عانا وزگەرتىپ قويمايدى، سونداي-اق، ءتۇرلى سۋرەتتەر مەن ورنەكتەر سالاتىن ماتەريال دا بولىپ تابىلادى. اۆتوموبيل كورپۋسىنىڭ تولىعىمەن سەنسورلى ەكەنىن دە ۇمىتپاۋ كەرەك.

 ءمولدىر اۆتوموبيل 

بۇل ماشينا 100% ورگانيكالىق شىنىدان جاسالعان بولاتىن. ءمولدىر اۆتوموبيل مىسالىندا وعان ورناتىلعان قاۋىپسىزدىك جۇيەلەرىنىڭ جۇمىسىن قاراپ كورۋگە بولادى.

 

 BMW Jina 

ارنايى يننوۆاسيالىق كونسترۋكسيا مەن كۋزوۆتى جاساۋعا ارنالعان ارنايى ماتەريال (سپاندەكس) ارقاسىندا بۇل ماشينا ءوزىنىڭ سىرتقى كەلبەتىن وزگەرتە الادى. كۋزوۆتىڭ نەگىزى ەلەكترلى جەتەك ارقىلى قوزعالىس قالپىنا ەنەتىن اليۋمينييدەن جاسالعان قاڭقادان تۇرادى، ال جاقسى يىلەتىن جانە جارتىلاي ءمولدىر سپاندەكس قاڭقانى تولىعىمەن قاپتايدى.

 

 Hydra Spyder 

بۇل ماشينا جارىس كارى مەن موتورلى قايىقتىڭ گيبريدى بولىپ ەسەپتەلەدى. 3300 كگ سالماققا يە ءاۆتوموبيلدىڭ 400 ات كۇشىنە ساي كەلەتىن V-8 التى ليترلىك قوزعالتقىشقا يە ەكەنىن دە ايتا كەتۋ كەرەك. قۇرلىقتا Hydra Spyder 201 كم/ساع دەيىن، ال سۋ بەتىندە 85 كم/ساع دەيىن جىلدامدىقپەن قوزعالا الادى. سۋعا كىرەر كەزدە جۇرگىزۋشىنىڭ ارنايى باسقىشتى باسۋى شارت. ءدال سول ساتتە پنيەۆموجۇيە دوڭگەلەكتەردى الىپ تاستايدى دا، ماشينا قايىققا اينالادى.

 

 Kiravan 

Kiravan جۇك كولىگى دوڭگەلەكتى ۇيلەردىڭ ىشىندەگى ەڭ كەرەمەتى بولىپ سانالادى. ول جالپى كولەمى 772 ءليتردى (ءجۇرۋ قاشىقتىقتىعى – 3 000 كم) قۇرايتىن بىرنەشە وتىن باگىنا يە. بۇل اۆتوپويىزدىڭ بارلىق جۇيەلەرى كابينادان باسقارىلادى. سونداي-اق، Kiravan-دا كۇن باتارەيالارىنىڭ بلوگى، اككۋمۋلياتور، 25 كۆت قۋاتقا يە ديزەلدى گەنەراتور ورناتىلعان. بۇل قۇرىلعىلار ەلەكترلىك قاجەتتىلىكتەردىڭ ءبارىن وتەۋ ءۇشىن ارنايى جاسالعان.

 

 Mercedes Benz F-Cell Roadster 

بۇل ماشينا Mercedesء-تىڭ 1886 جىلى شىعارعان العاشقى ءاۆتوموبيلىنىڭ قازىرگى زامانعى نۇسقاسى بولىپ تابىلادى. F-Cell Roadster-دەگى رەترو-ديزاين ءححى عاسىردىڭ زاماناۋي تەحنولوگيالارىمەن ءوزارا قوسىلعانىمەن، ونىڭ ماكسيمالدى جىلدامدىعى تەك 25كم/ساع عانا قۇرايدى.

 

 Rolls-Royce 103EX 

بۇل كونسەپت شىعارۋشىسى تاراپىنان بولاشاق ءاۆتوموبيلى رەتىندە تانىستىرىلعان بولاتىن. ول كۋزوۆىنىڭ وزگەشەلىگىمەن جانە بارلىق Rolls-Royce-تارداعى سياقتى تاڭداندىرارلىق سالونىمەن ەرەكشەلەنەدى. تاعى ءبىر ايتا كەتەرلىك جايت، بۇل اۆتونىڭ ءداستۇرلى ءرۋلى مەن پەدالدارى جوق، سەبەبى ول اۆتوپيلوت ارقىلى ءجۇرۋ ءۇشىن ارنايى ويلاپ تابىلعان اۆتولار قاتارىنا كىرەدى.

 BMW Vision Next100 

BMW Vision Next100 جۇرگىزۋشىنى ىقتيمال قاۋىپ-قاتەرلەر تۋرالى الدىن الا حاباردار ەتىپ وتىراتىن جاساندى ينتەللەكت مۇمكىندىكتەرىمەن جابدىقتالعان. سونىمەن قاتار بۇل اۆتوموبيل اۆتوپيلوتتاۋ رەجيمىندە دە قوزعالا الادى.

---