tengrinews.kz
ارمەنيا جاڭا سوعىسقا دايىندالىپ جاتىر ما؟ پاشينياننىڭ مالىمدەمەسى ەلدى دۇرلىكتىردى
ارمەنيا پرەمەر-مينيسترى نيكول پاشينيان ەلدەگى وپپوزيسيانى جاڭا قارۋلى قاقتىعىستى تۋدىرۋعا تىرىسۋدا دەپ ايىپتادى. بۇل تۋرالى ول بريفينگتە مالىمدەدى. پاشينياننىڭ ايتۋىنشا، وپپوزيسيا بەيبىتشىلىككە قارسى ەمەسپىز دەپ ايتقانىمەن، بيلىككە كەلسە، كەلىسىمدەردى قايتا قارايتىنىن ايتىپ ءجۇر. بۇل ۇستانىم سوعىستىڭ باستاۋىنا اكەلۋى مۇمكىن ەكەنىن پرەمەر ەرەكشە اتاپ ءوتتى.
بۇل تۋرالى Infohub.kz اقپارات اگەنتتىگى حابارلايدى.
«بۇل – سوعىس!»
«ولار بەيبىتشىلىككە قارسى ەمەسپىز، ءبىراق بيلىككە كەلسەك، بەيبىت كەلىسىمدى قايتا قارايمىز دەيدى. مەن بۇل – سوعىس ەكەنىن اشىق ايتقىم كەلەدى»، - دەدى پاشينيان.
ارمەنيا باسشىسى مۇنداي مالىمدەمەلەردىڭ جاۋاپكەرشىلىكتى سەزىنەتىن ساياساتكەرلەردىڭ ۇستانىمىنا ساي كەلمەيتىنىن ايتتى. سونداي-اق، ول مۇنداي سوزدەردى شەت ەل كۇشتەرى جازدىرىپ، ىشكى وپپوزيسيا تەك وقىپ وتىرعانىنا سەنىم ءبىلدىردى.
بۇعان دەيىنگى كەلىسىمدەر
بۇعان دەيىن ارمەنيا ازەربايجانمەن بەيبىت كەلىسىمنەن باس تارتقان بولاتىن. رەسپۋبليكانىڭ بۇرىنعى پرەزيدەنتى روبەرت كوچارياننىڭ ايتۋىنشا، باكۋمەن جاسالاتىن كەلىسىم تەك قاۋىپسىزدىك كەپىلدىكتەرىنە نەگىزدەلۋى ءتيىس.
2025 جىلدىڭ 8 تامىزىندا پاشينيان مەن ازەربايجان پرەزيدەنتى يلحام الييەۆ اقش پرەزيدەنتى دونالد ترامپتىڭ قاتىسۋىمەن ۆاشينگتوندا بىتىمگەرشىلىك تۋرالى دەكلاراسياعا قول قويعان ەدى. كەلىسىمگە سايكەس، اقش باقىلايتىن ءدالىز ارقىلى ازەربايجاندى ارمەنيا اۋماعى ارقىلى ناحيچيەۆانمەن بايلانىستىراتىن «ترامپ ءدالىزى» اشىلۋى كەرەك بولعان.
-
بۇۇ-نىڭ جاڭا ەسەبى بويىنشا، قازاقستان باقىتتى ەلدەر رەيتينگىندە 10 ساتىعا جوعارىلاپ، تمد ەلدەرى اراسىندا ۇزدىك ناتيجە كورسەتتى.
-
Armenian Prime Minister Nikol Pashinyan accuses opposition of pushing for war by seeking to revise peace agreements if they gain power.
