InfoHub Logo

نوعايلى اسان قايعىنىڭ زامانىندا اسان قايعىدان ءبىر قىز كەلىپ سۋال سۇراپتى:

— ەر ادام تورتكە شەيىن ايەل الادى. بۇل دۇرىس پا؟ —  دەپتى. اسان قايعى اتامىز:

— ەردىڭ تورتكە شەيىن ايەل الۋى دۇرىس، — دەيدى. سوندا قىز ايتادى:

— ءبىر ايەلدىڭ ءتورت ەركەكتى الۋى دۇرىس پا؟ — دەيدى. اسان قايعى:

— دۇرىس ەمەس، — دەيدى. قىز ايتادى:

— ەركەكتىڭ ءتورت ايەل الۋى دۇرىس بولعاندا، ءبىر ايەلدىڭ ءتورت ەركەك الۋى نەگە دۇرىس بولمايدى؟ — دەپتى. سوندا اسان قايعى جاۋاپتان توقتالىپ:

— ەرتەڭ وسى ۋاقىتتا قايتا كەلشى، بۇعان جاۋاپ بەرسە ابات بەرەر، — دەيدى. ابات — اسان قايعىنىڭ جالعىز بالاسى ەكەن. ابات كەلگەن سوڭ اسان قايعى:

— ءبىر قىز وسىلاي دەپ سۋال سۇرادى، سوعان جاۋاپ بەرە المادىم، — دەيدى. ابات ايتادى:

— وعان جاۋاپ بەرۋ قيىن ەمەس قوي. مەن جاۋابىن بەرەيىن، — دەيدى.

ەرتەڭ قىزدان بۇرىن ءتورت ءتۇرلى سيىردى ازىرلەتىپ قويىپ، قىز كەلگەن سوڭ ءتورت سيىردى ءبىر شەلەككە ساۋدىرىپ بولىپ، ابات قىزعا ايتادى:

— وسى ارالاسىپ، قوسىلىپ كەتكەن ءسۇتتىڭ مىنا ءسۇت مىنا سيىردىكى، مىنا ءسۇت مىنا سيىردىكى دەپ ءتورت ايىرىپ بەرشى، —  دەپتى. قىز تۇرىپ:

— ارالاسىپ كەتكەن ءسۇتتىڭ قاي سيىردىكى ەكەنىن قايدان بىلەيىن، — دەپتى. ابات:

— ولاي بولسا ءبىر ايەل ءتورت ەركەك السا، ونان ءبىر بالا تۋسا، ول بالانى ءتورت ەركەكتىڭ قايسىسىنىڭ بالاسى دەپ ايتۋعا بولادى. ءالباتتا، بولمايدى. بۇ سەبەپتى بىرەۋىنىڭ بالاسى بولمايدى. بالانىڭ ناسابى بىرەۋىنەن دە بىرىكمەيدى. مۇنىڭ ءۇشىن ايەلدىڭ ءبىر ەركەكتەن ارتىق الۋعا دۇرىس ەمەس، — دەپتى.

ابات ءارى مەرگەن، ءارى باتىر، ءارى اقىلدى، ءبىلىمدى بولعان دەيدى.

---