ءاسانالى ءاشىموۆ
ءاسانالى ءاشىموۆ — قازاق كينوسىنىڭ جۇلدىزى، اكتەر، كينورەجيسسەر، پروفەسسور. ونىڭ ويناعان رولدەرى حالىقتىڭ جۇرەگىنەن ورىن تاپتى. ولار — «اتاماننىڭ اقىرى» (1970)، «قىز جىبەك» (1971)، «ءترانسسىبىر ەكسپرەسى» (1977)، «ناننىڭ ءدامى» (1979)، «تۇركسىب» (1986) فيلمدەرى.
ءاسانالى ءاشىموۆ 1937 جىلى 8 مامىردا جامبىل وبلىسى سارىسۋ اۋدانىنىڭ بايقادام اۋلىندا دۇنيەگە كەلگەن. قاتال سوعىس جىلدارى وتكەن بالالىق شاعى تۋرالى اكتەر: «العاشقى قار جاۋعانشا جالاڭ اياق ءجۇردىم. ءبىر كۇنى ساباق كەزىندە قالىڭ قار جاۋعان ەدى. بارلىق سىنىپتاستارىمدى اتا-انالارى ۇيلەرىنە الىپ كەتتى. ال مەن سۋىق ساز مەكتەپتە جالعىز قالدىم. ول كەزدە توعىز جاستا ەدىم. ءتۇنى بويى قاتتى قورىققانىم سونشالىق، تاڭەرتەڭ مەكتەپتەن ون جاسقا ەسەيىپ شىققانداي بولدىم» دەپ ەسىنە الادى.
قۇرمانعازى اتىنداعى قازاق مەملەكەتتىك كونسەرۆاتورياسىنىڭ بولاشاق ستۋدەنتى بولا ءجۇرىپ، ا. ءاشىموۆ «بوتاگوز»، «ەرتىستىڭ اساۋ تولقىنىندا» اتتى فيلمدەرگە تۇسكەن. 1964 جىلى ول م. اۋەزوۆ اتىنداعى قازاق اكادەميالىق دراما تەاترىنىڭ ساحناسىندا كوپتەگەن جارقىن بەينەلەردى وينادى. «ايداھار جىلى»، «اتى اڭىزعا اينالعان شوقان» فيلمدەرى ءۇشىن قازاق كسر مەملەكەتتىك سىيلىعىنا يە بولدى. ءوز كينوستۋدياسى تۇسىرگەن «ەلىم-اي»، «قوزى كورپەش — بايان سۇلۋ» فيلمدەرىندە تۇسكەن.
ا. ءاشىموۆ 1980 جىلدان بەرى كسرو حالىق ءارتىسى، كسرو جانە قازاقستان مەملەكەتتىك سىيلىعىنىڭ لاۋرەاتى. 2000 جىلى «تارلان» سىيلىعىنىڭ يەگەرى اتاندى. 2017 جىلى قازاقستاننىڭ ەڭبەك ەرى اتاندى.
You Might Also Like
-
ەكى سالت اتتى ادىردىڭ باسىنا جەلە-جورتىپ شىقتى دا اتتارىنىڭ باسىپ ىركىپ، الاقان استىنان الىستى شولدى. تومەن قاراي كولبەپ بارا جاتقان كەڭ جازىقتىڭ شەتىندە مۇنارتىپ وقشاۋ تۇرعان جالاڭاش تاۋ كورىندى.
-
ارىستان باب ەسىمى وتىرار، سايرام، ياسى وڭىرىندەگى سوپىلاردىڭ رۋحاني ۇستازى رەتىندە كەڭىنەن تانىمال. يسلام دىنىنەن باسقا وتىز ءۇش ءدىندى بىلگەنى جانە اۋليە كىسى بولعانى جايلى حالىق اراسىندا اڭىز بار.
