«Asar-Ume» قورى پەريزات قايراتقا 200 ملن تەڭگە اۋدارعان – حالىقتىڭ سەنىمى قالاي الداندى؟
سوت پروسەسى بارىسىندا بەلگىلى بولعان دەرەكتەر قوعامدى الاڭداتتى: «Asar-Ume» قوعامدىق بىرلەستىگىنىڭ پرەزيدەنتى اسحات نۇرماشيەۆتىڭ ايتۋىنشا، قور حالىقتان جينالعان 293 ملن تەڭگەنىڭ 200 ميلليونىن پەريزات قايرات باسقاراتىن ۇيىمنىڭ شوتىنا اۋدارعان. بۇعان پەريزات قايراتتىڭ ءوزىن ابۋ-دابيدەگى گۋمانيتارلىق حابپەن بايلانىسى بار دەپ تانىستىرۋى سەبەپ بولعان.
— پەريزات قايرات بىزدەن قالعان 93 ملن تەڭگەنى دە ءوزىنىڭ جەكە شوتىنا اۋدارۋدى سۇرادى. الايدا ەسەپ بەرگەننەن كەيىن ءبىز كەلىسىمشارت تالاپتارىنىڭ بۇزىلعانىن انىقتاپ، بۇل سومانى اۋدارماي قويۋ تۋرالى شەشىم قابىلدادىق، — دەدى اسحات نۇرماشيەۆ سوتتا كۋالىك بەرۋ كەزىندە.
ايتا كەتەيىك، پەريزات قايرات باسقاراتىن قورعا جالپى 566 ملن تەڭگە كولەمىندە قاراجات جينالعان. الايدا سونىڭ نەبارى 7 ملن تەڭگەسى عانا پالەستينانىڭ قازاقستانداعى ەلشىلىگىنىڭ رەسمي شوتىنا جىبەرىلگەن. قالعان قاراجاتتىڭ قايدا جۇمسالعانى — تەرگەۋ نىسانىندا. الدىن الا مالىمەتكە سايكەس، قارجىنىڭ باسىم بولىگى جەكە ماقساتتارعا پايدالانىلعان.
بۇل وقيعا قايىرىمدىلىق سالاسىنداعى اشىقتىق پەن باقىلاۋدىڭ السىزدىگىن تاعى ءبىر مارتە كورسەتتى. قوعام قايىرىمدىلىق قورلارىنىڭ قىزمەتىنە قاتاڭ تالاپ قويۋدى جانە باقىلاۋدى كۇشەيتۋدى تالاپ ەتۋدە.
You Might Also Like
-
ازەربايجاندا ورىس تىلىندە ءبىلىم بەرەتىن مەكتەپتەردىڭ جابىلاتىنى تۋرالى مالىمەت الەۋمەتتىك جەلىلەر مەن مەسسەندجەرلەردە تاراپ، جۇرت اراسىندا قىزۋ تالقى تۋدىردى. بۇل تۋرالى “ادىرنا” ۇلتتىق پورتالى Oxu...
-
ايىرباستاۋ پۋنكتتەرىندەگى ۆاليۋتا تابلوسى عيمارات ىشىنە ورنالاستىرىلۋى مىندەتتى بولادى
