ازەربايجاندا ورىس مەكتەپتەرى جابىلادى دەگەن اقپاراتقا مينيسترلىك تۇسىنىكتەمە بەردى
ازەربايجاندا ورىس تىلىندە ءبىلىم بەرەتىن مەكتەپتەردىڭ جابىلاتىنى تۋرالى مالىمەت الەۋمەتتىك جەلىلەر مەن مەسسەندجەرلەردە تاراپ، جۇرت اراسىندا قىزۋ تالقى تۋدىردى. بۇل تۋرالى “ادىرنا” ۇلتتىق پورتالى Oxu.Az-عا سىلتەمە جاساپ حابارلادى.
اتا-انالار WhatsApp توپتارىندا ورىس مەكتەپتەرىنىڭ جابىلۋى مۇمكىن ەكەنى جونىندە حابارلامالار العاندارىن ايتقان. باسىلىمنىڭ دەرەگىنشە، ەلدە ورىس مەكتەپتەرى كەزەڭ-كەزەڭىمەن جابىلادى دەگەن بولجام ايتىلعان. مۇنداي باستامانىڭ ارتىندا ازەربايجان ءتىلىنىڭ ءبىلىم بەرۋ سالاسىنداعى مارتەبەسىن كۇشەيتۋ جانە بارلىق ازاماتتاردى ورتاق ءتىل اياسىندا بىرىكتىرۋ ماقساتى تۇرعانى العا تارتىلعان.
بولجام بويىنشا، الداعى ءۇش جىل ىشىندە ورىس مەكتەپتەرى تولىقتاي ازەربايجان تىلىنە كوشىرىلىپ، مۇعالىمدەرگە ارنالعان قايتا دايارلاۋ كۋرستارى ۇيىمداستىرىلماق.
الايدا، بۇل مالىمەتكە قاتىستى ازەربايجاننىڭ عىلىم جانە ءبىلىم مينيسترلىگى رەسمي جاۋاپ بەرىپ، تاراتىلعان اقپاراتتى جوققا شىعاردى.
— بۇل — شىندىققا جاناسپايتىن جالعان اقپارات. مۇنداي ماسەلەدە تەك رەسمي دەرەككوزدەرگە سەنىم ارتۋ كەرەك، — دەپ مالىمدەدى ۆەدومستۆو ريا نوۆوستي اگەنتتىگىنە بەرگەن تۇسىنىكتەمەسىندە.
You Might Also Like
-
WP: "ترامپتىڭ يرانعا بەرگەن ەكى اپتاسى — قاقپان بولاتىن": اقش يراندى قالاي جاڭىلىستىردى؟
-
اتوم ەلەكتر ستانسياسىن (اەس) سالۋ ماسەلەسىنە قاتىستى ءماجىلىس كۋلۋارىندا جۋرناليستەرگە جاۋاپ بەرگەن اتوم ەنەرگياسى اگەنتتىگىنىڭ ءتوراعاسى الماسادام ساتقالييەۆ قىتايدىڭ اەس-تى رەسەيدەن بۇرىن سالىپ بەرۋ...
