Photo: Ayazhan (https://www.pexels.com/@ayazhan-3173683) / Pexels
اسحات ايماعامبەتوۆ ءبىلىم سالاسىنداعى ءتيىمسىز شەشىمگە الاڭداۋشىلىق ءبىلدىردى
ءماجىلىس دەپۋتاتى اسحات ايماعامبەتوۆ ءبىلىم بەرۋ سالاسىنا قاتىستى قابىلدانعان جاڭا زاڭ نورماسىنا الاڭداۋشىلىق ءبىلدىردى. ونىڭ ايتۋىنشا، بۇل شەشىم سالاداعى ەڭ ءتيىمسىز ءارى قيسىنسىز قادامداردىڭ ءبىرى بولۋى مۇمكىن.
بۇل تۋرالى Infohub.kz اقپارات اگەنتتىگى حابارلايدى.
زاڭ جوباسىنىڭ ماسەلەسى
دەپۋتات سەناتتان كەلگەن زاڭ جوباسى ماجىلىستە بىرنەشە رەت تالقىلانعانىن، سول كەزدە ءبىرقاتار ەسكەرتۋ مەن دالەل ايتىلعانىن اتاپ ءوتتى. الايدا، ونىڭ سوزىنشە، ساراپشىلاردىڭ پىكىرى مەن تالقىلاۋ بارىسىندا كوتەرىلگەن ۋاجدەر ەسكەرىلمەگەن.
«بۇگىن ءبىلىم بەرۋ سالاسىنا بايلانىستى ەڭ ءتيىمسىز ءارى ەڭ قيسىنسىز شەشىمدەردىڭ ءبىرى قابىلداندى. سەناتتان كەلگەن زاڭ جوباسىن ءبىز بىرنەشە رەت تالقىلادىق. كادىمگىدەي پىكىرتالاس بولدى. ءبىراق سول كەزدەگى پىكىرتالاستا ايتىلعان ارگۋمەنتتەردى ەسكەرمەي، ساراپشىلاردىڭ پىكىرىن تىڭداماي، ءۇنسىز تۇردە 4 ملن بالانىڭ تاعدىرىنا تەرىس اسەر ەتەتىن شەشىم قابىلداندى»، – دەدى اسحات ايماعامبەتوۆ.
باسقارۋ قۇزىرەتىنىڭ وزگەرۋى
ونىڭ ايتۋىنشا، نەگىزگى ماسەلە مەكتەپتەر مەن بالاباقشالارعا قاتىستى باسقارۋ قۇزىرەتىن وبلىس اكىمدەرىنەن الىپ، اۋدان اكىمدەرىنە بەرۋ تۋرالى شەشىمگە بايلانىستى.
-
قازاقستاندىقتاردىڭ زەينەتاقى جيناقتارىن پايدالانۋ ەرەجەلەرى وزگەرەدى. جاڭا تالاپتار 5 ماۋسىمنان باستاپ كۇشىنە ەنەدى.
-
A Kazakh Member of Parliament has voiced strong reservations about a new education law، deeming it an inefficient and illogical step that could negatively impact millions of children.
