InfoHub Logo

قازاقستان رەسپۋبليكاسى قارۋلى كۇشتەرىنىڭ ىشكى قىزمەت جارعىسى. اسكەري قىزمەتشىلەردىڭ جالپى مىندەتتەرى. اسكەري اتاقتار جانە ايىرۋ بەلگىلەرى.

ماقساتى:
1. وقۋشىلاردىڭ ءبىلىمىن جەتىلدىرۋ.
2. ءاربىر بالانىڭ بويىنداعى ۇلتجاندىلىق قاسيەتىن دامىتۋ جانە رۋحىن جوعارى، بەرىك ۇستاۋ سەزىمىن جەتىلدىرۋ.
3. اسكەري قىزمەتشىلەردىڭ جالپى مىندەتتەرى تۋرالى تۇسىنىك بەرۋ.
وقۋ سۇراعى:
1. اسكەري قىزمەتشىلەردىڭ جالپى مىندەتتەرى. اسكەري اتاقتار جانە ايىرۋ بەلگىلەرى.
2. اسكەري قىزمەتشىلەردىڭ اسكەري ادەپتىلىگى مەن مىنەز – قۇلقى.
3. كومانديرلەر (باستىقتار) مەن باعىنىشتىلار. اعا جانە كىشى شەندىلەر.
ۋاقىت – 45 مينۋت.
ساباق وتەتىن ورىن – ءااد كابينەتى.
ءادىس - اڭگىمە.
كورنەكتى قۇرالدار – ءااد وقۋلىعى.
ساباقتىڭ جۇرگىزۋ ءتارتىبى
كىرىسپە – 5 مين.
وقۋ سۇراعى – 35 مين.

قازاقستان رەسپۋبليكاسى قارۋلى كۇشتەرىنىڭ اسكەري قىزمەتشىسى قىزمەتتىك ءىس - ارەكەتىندە قازاقستان رەسپۋبليكاسىنىڭ كونستيتۋسياسىن، زاڭدارىن، اسكەري جارعىلاردىڭ تالاپتارىن باسشىلىققا الۋى جانە ساياسي ماقساتتاردى كوزدەيتىن قوعامدىق ۇيىمدار مەن بىرلەستىكتەردىڭ قىزمەتىنە قاتىسى بولماۋى ءتيىس.
ول:
 قازاقستان رەسپۋبليكاسىنىڭ كونستيتۋسياسىن، زاڭدارىن قاتاڭ ساقتاۋعا جانە اسكەري جارعىلاردىڭ تالاپتارىن ورىنداۋعا؛
 اسكەري انتقا ادال بولۋعا، ءوز حالقىنا جانقيارلىقپەن قىزمەت ەتۋگە، ەرلىكپەن، قازاقستان رەسپۋبليكاسىن قىراعىلىقپەن، قاسىق قانى قالعانشا ايانباي قورعاۋعا، اسكەري بورىشىن ادال ورىنداۋعا، اسكەري قىزمەتتىڭ قيىندىقتارىن تاباندىلىقپەن وتكەرۋگە؛
 ءوز وتانىنىڭ پاتريوتى بولۋعا، ءتۇرلى ۇلتتاردىڭ اسكەري قىزمەتشىلەرىنىڭ اراسىنداعى دوستىقتى نىعايتۋعا؛
 ادال، ءتارتىپتى، ەرجۇرەك بولۋعا، اسكەري بورىشىن ورىنداۋ كەزىندە بايىپتى باستاما جاساۋعا؛
 كومانديرلەرگە (باستىقتارعا) ءسوزسىز باعىنۋعا جانە ولاردى ۇرىستا قورعاۋعا، اسكەري ءبولىمنىڭ جاۋىنگەرلىك تۋىن ساقتاۋعا؛
 اسكەري كاسىپتىك بىلىكتى ۇدايى مەڭگەرۋگە، ءوزىنىڭ ماشىقتانۋى مەن اسكەري شەبەرلىگىن جەتىلدىرۋگە؛
 وزىنە سەنىپ بەرىلگەن قارۋ مەن اسكەري تەحنيكانى بىلۋگە جانە ولاردى ۇدايى ازىرلىكتە ۇستاۋعا، اسكەري مۇلىكتى جانە باسقا دا ماتەريالدىق قۇندىلىقتاردى ساقتاۋعا؛
 اسكەري باۋىرلاستىقتى باعالاۋعا، جولداستارىن قاۋىپتەن قۇتقارۋعا كومەكتەسۋگە، ولارعا سوزىمەن دە، ىسىمەن دە كومەكتەسۋگە، ءارقايسىسىنىڭ ار - نامىسى مەن ابىرويىن قۇرمەتتەۋگە، وزىنە جانە باسقا دا اسكەري قىزمەتشىلەرگە قاتىستى تۇرپايىلىق پەن قورلاۋعا جول بەرمەۋگە، ولاردى لايىقسىز ءىس - قىلىقتاردان تەجەۋگە؛
 اسكەري ادەپتىلىك، مىنەز - قۇلىق پەن اسكەري سالەسدەسۋ قاعيدالارىن ساقتاۋعا، ءاردايىم جانە بارلىق جەردە ءوز ءقادىر - قاسيەتى مەن ابىرويىن بيىك تۇتۋعا، نىساندى كيىمىن تازا، ۇقىپتى كيۋگە؛
 قىراعى بولۋعا، اسكەري جانە مەملەكەتتىك قۇپيانى قاتاڭ ساقتاۋعا مىندەتتى.

مەديسينالىق نەمەسە ادىلەت، اسكەري - ەسەپتىك ماماندىقتارى بار وفيسەرلەردىڭ اسكەري اتاقتارىنا تيىسىنشە «مەديسينا قىزمەتىنىڭ»، «ادىلەت»، ت. ب. سوزدەر قوسىلىپ ايتىلادى.
اۆياسيانىڭ جوعارعى قۇرامداعى وفيسەرلەرىنىڭ اسكەري اتاقتارىنا (ۇشقىشتىق، ينجەنەرلىك، ينجەنەرلك - اۆياسيالىق دايىندىعى بار) «اۆياسيالىق» دەگەن ءسوز قوسىلىپ ايتىلادى.
قوسالقى قۇرامعا شىققان اسكەري شەندىلەرگە «قوسالقى قۇرامداعى»، دەمالىستارعا «دەمالىستاعى» دەگەن سوزدەر قوسىلىپ ايتىلادى.

اسكەري قىزمەتشىلەردىڭ اسكەري
ادەپتىلىگى مەن مىنەز - قۇلقى

اسكەري قىزمەتشىلەر ءاردايىم جوعارى مادەنيەتتىڭ، قاراپايىمدىلىق پەن ۇستامدىلىقتىڭ ۇلگىسى بولۋعا، ءوزىنىڭ ءقادىر - قاسيەتىن قورعاۋعا جانە باسقالاردىڭ ءقادىر - قاسيەتىن قۇرمەتتەۋگە ءتيىس. ولار ءوز مىنەز - قۇلقىنا قاراپ، تەك وزدەرى تۋرالى عانا ەمەس، تۇتاس العاندا، قارۋلى كۇشتەردىڭ ار - ابىرويى تۋرالى پىكىر تۇيىلەتىنىن ەستە ۇستاۋى ءتيىس.
اسكەري قىزمەتشىلەردىڭ اراسىنداعى ءوزارا قارىم - قاتىناستار ءوزارا سىيلاستىق نەگىزىندە قۇرىلادى. قىزمەت ماسەلەلەرى بويىنشا ولار ءبىر - بىرىنە: «ءسىز» دەپ ءتىل قاتۋعا ءتيىس. ءوزارا جەكە قاتىسۋ كەزىندە اسكەري اتاق اسكەرلەردىڭ ءتۇرى نەمەسە قىزمەتى كورسەتىلمەي اتالادى.
باستىقتار مەن اعا شەندىلەر قىزمەت بويىنشا باعىنىشتىلار مەن كىشى شەندىلەرگە ءتىل قاتقاندا، ولاردى اسكەري اتاعى مەن اسكەر ءتۇرى بويىنشا نەمەسە اتاعى بويىنشا عانا، سوڭعى جاعدايدا اتاقتىڭ سوڭىنا «مىرزا» دەگەن ءسوزدى قوسا وتىرىپ ايتادى. مىسالى: «قاتارداعى وماروۆ (وماروۆا)»، «قاتارداعى سارباز مىرزا»، «سەرجانت ەگىزبايەۆ (ەگىزبايەۆا)»، «سەرجانت مىرزا»، ت. ب.
اسكەري وقۋ ورىندارىنىڭ اسكەري اتاقتارى جوق سەرجانتتىق قۇرامىن، كۋرسانتتارىن (تىڭداۋشىلارىنىڭ)، سونداي - اق وقۋ - اسكەري بولىمدەرىنىڭ (بولىمشەلەرىنىڭ) كۋرسانتتارىن، ولارعا ءتىل قاتقان كەزدە، تەگىن قوسىپ «كۋرسانت» دەپ نەمەسە «كۋرسانت مىرزا» دەپ اتاۋ كەرەك.