InfoHub Logo

ساباقتىڭ تاقىرىبى: اسقورىتۋدىڭ ماڭىزى. اسقورىتۋ جۇيەسى (سلايدىمەن)
ساباقتىڭ ماقساتى:
1. بىلىمدىلىك: وقۋشىلارعا اس قورىتۋ مۇشەلەرى تۋرالى تانىستىرىپ بىلىمدەرىن جەتىلدىرۋ. اس قورىتۋ جۇيەسىنىڭ ەرەكشەلىگىن كورسەتۋ، قۇرىلىسىن ءتۇسىندىرۋ.
2. دامىتۋشىلىق: تەست جۇمىستارى، سۇراق – جاۋاپ ارقىلى وقۋشىلاردىڭ وي - ءورىسىن كەڭەيتۋ، ەستە ساقتاۋ قابىلەتىن دامىتۋ.
3. تاربيەلىك: اس قورىتۋ مۇشەلەرىنىڭ ماڭىزىن ءتۇسىندىرۋ ارقىلى وقۋشىلاردىڭ دۇنيەتانىمىن كەڭەيتىپ، ەڭبەك داعدىسىن قالىپتاستىرىپ، دەنساۋلىقتىڭ ءقادىرىن تەرەڭ تۇسىنە بىلۋگە، ونى قالپىندا ساقتاۋعا تاربيەلەۋ.
ساباقتىڭ ءادىس - ءتۇرى: سۇراق – جاۋاپ ءادىسى، ستو ستراتەگياسى.
ساباقتىڭ كورنەكىلىگى: وقۋلىق، پلاكات، ۆيدەوپروەكتور

ساباقتىڭ بارىسى:
I ۇيىمداستىرۋ كەزەڭى:
وقۋشىلارمەن سالەمدەسۋ، تۇگەندەۋ،
توپقا ءبولۋ ( سۋرەتتەر ارقىلى)

II ءۇي تاپسىرماسىن سۇراۋ
1 - تاپسىرما
سۇراق – جاۋاپ ءادىسى
1. ادام ورگانيزمى ءۇشىن تاعامنىڭ ءرولى قانداي؟ (ورگانيزمنىڭ قالىپتى تىرشىلىك ارەكەتتەرى ءۇشىن جاسۋشالارى مەن ۇلپالارىنا ۇنەمى قورەكتىك زاتتار كەرەك)
2. قورەكتىك زاتتار دەگەنىمىز نە؟ (ءنارۋىزدار، كومىرسۋلار، مايلار، مينەرالدار، تۇزدار، سۋ مەن ۆيتاميندەر)
3. ادام ورگانيزمىنە نەگىزگى قۇرىلىس ماتەريالى ءنارۋىزدىڭ تاۋلىكتىك مولشەرى؟ (100 گر)
4. اس قورىتۋ دەگەنىمىز نە؟ (تاماق ونىمدەرىنىڭ ەداۋىر قاراپايىم، ورگانيزمگە سىڭىرىلەتىن زاتتارعا ۇساقتالۋ جانە ىدىراۋ پروسەسى)
5. اسقورىتۋدا فەرمەنتتەردىڭ ءرولى قانداي؟ (ءنارۋىز تەكتى زاتتار. ولار اس قورىتۋ جولىندا زاتتاردى ىدىراتاتىن حيميالىق رەاكسيالاردى تەزدەتەدى. ءار فەرمەنت بەلگىلى ءبىر زاتقا اسەر ەتەدى)
6. ادام ورگانيزمىندە ءنارۋىزدار، كومىرسۋلار، مايلار مەن ۆيتاميندەردىڭ ءرولى قانداي؟ (ءنارۋىز - قۇرىلىس ماتەريالى، مايلار - ەنەرگيا كوزى، قۇرىلىس ماتەريالى، كومىرسۋ – ەنەرگيا كوزى، ۆيتاميندەر – الماسۋ پروسەسىنە بەلسەندى قاتىسادى)
7. ادام راسيونىنىڭ قۇرامىنا كىرەتىن وسىمدىكتەكتى جانە جانۋارتەكتى ونىمدەردى اتا
8. ادام ورگانيزمىنە قاجەتتى تولىققۇندى تاعامنىڭ قۇرامى

2 – تاپسىرما. تەست جۇمىسى
1. قورەكتىك زاتتاردىڭ قۇرامىنا قانداي ورگانيكالىق قوسىلىستار كىرەدى
ا) ءنارۋىزدار، كومىرسۋلار
ءا) ۆيتاميندەر، مايلار
ب) مينەرالدى تۇزدار مەن سۋ

2. ادام دەنەسىندەگى سۋدىڭ ورتاشا مولشەرى قانداي؟
ا) 20 – 25 %
ءا) 0، 6 - 5، 0 %
ب) 60 - 65%
3. ادام ورگانيزمىنە وزگەرىسسىز سىڭىرىلەتىن زات:
ا) كومىرسۋلار،
ءا) ءنارۋىزدار
ب) سۋ
4. ءنارۋىزدىڭ قاجەتتى تاۋلىكتىك مولشەرى:
ا) 80 - 90گ
ءا) 100گ
ب) 400 - 500گ
5. كومىرسۋلاردىڭ قاجەتتى تاۋلىكتىك مولشەرى:
ا) 80 - 90گ
ءا) 100گ
ب) 400 - 500گ

ءىىى جاڭا ساباق
(جاڭا ساباق جوسپار بويىنشا بايانداما تۇرىندە تۇسىندىرىلەدى)

جاڭا ساباقتىڭ جوسپارى
1. اۋىز قۋىسى
2. جۇتقىنشاق
3. وڭەش
4. اسقازان
5. اشىشەك
6. توقىشەك
7. تىكىشەك
8. ۇيقى بەزى
9. باۋىر

ءىۇ. جاڭا ساباق بويىنشا تاپسىرمالار
1 - تاپسىرما
بيولوگيالىق ديكتانت
اسقورىتۋ جۇيەسى: اسقورىتۋ مۇشەلەرى مەن اسقورىتۋ بەزدەرىنەن تۇرادى. ادامدا اسقورىتۋ جولىنىڭ ۇزىندىعى، شامامەن، 8 - 10م. ول اۋىز قۋىسى، جۇتقىنشاق، وڭەش، اسقازان، اشىشەك، توقىشەك، تىكىشەك بولىپ بولىنەدى.
ۇيقى بەزىنىڭ ۇزىندىعى 10 - 12سم، اسقازاننىڭ استىڭعى جاعىندا ەكىنشى بەل ومىرتقاسىنىڭ دەڭگەيىندە ورنالاسقان.
باۋىر – قوڭىرقاي ءتۇستى ەڭ ءىرى بەز، ماسساسى، شامامەن، 1500گ. ونىڭ نەگىزگى قىزمەتى – ءوت ءبولىپ شىعارۋ.