InfoHub Logo

ج. جابايەۆ اتىنداعى № 6 ورتا مەكتەپتىڭ
قازاق ءتىلى مەن ادەبيەتى ءپانىنىڭ ءمۇعالىمى:
مۋلدياروۆا مادينا ەلەۋسىز قىزى

ساباقتىڭ تاقىرىبى: استانا - ارمان قالا
ساباقتىڭ ماقساتى: ەلوردا تۋرالى تۇسىنىكتەرىن كەڭەيتۋ، ماتىنمەن جۇمىس جاساي وتىرا، وقۋشىلاردىڭ سويلەۋ داعدىسىن ارتتىرۋ،
وقۋشىلاردىڭ قيسىندى ويلاۋ قابىلەتىن كەڭەيتۋ، سوزدىك قورىن مولايتۋ، ساۋاتتى وقۋ داعدىسىن كۇشەيتۋ، توپپەن جۇمىس ىستەۋ داعدىلارىن قالىپتاستىرۋ.
ءوز ەلىنە، جەرىنە دەگەن ماقتانىش سەزىمىنە تاربيەلەۋ، ءبىر – بىرىنە سىيلاستىق سەزىمدەرىن تەرەڭدەتۋ؛
ساباقتىڭ ءتۇرى: جاڭا ساباق
ساباقتىڭ ءادىسى: ءتۇسىندىرۋ، اڭگىمە، توپتىق جۇمىس، سلايد، اكت
ساباقتىڭ كورنەكىلىگى: ينتەربەلسەندى تاقتا، سۋرەتتەر
ءپان ارالىق بايلانىس: گەوگرافيا، تاريح، ورىس ءتىلى

ساباقتىڭ بارىسى:
I. ۇيىمداستىرۋ كەزەڭى: (3 مينۋت)
وقۋشىلار 2 توپقا ءبولىنىپ وتىرادى، امانداسۋ، قوناقتارمەن امانداسۋ
- بۇگىن سىنىپتا كەزەكشى كىم؟
- سىنىپتا كىم جوق؟
- وقۋ قۇرالدارىن تەكسەرۋ (وقۋلىق، داپتەر، قالام، سوزدىك داپتەر)
ءىى. ءۇي تاپسىرماسىن تەكسەرۋ. (5 مينۋت) (قازاقستان رەسپۋبليكاسىنىڭ رامىزدەرى)
- بالالار، بۇگىنگى ساباعىمىز ەرەكشە، ول - ساياحات ساباعى. ەلوردامىزعا ساياحاتقا شىعامىز.
- ال ساياحاتقا شىعۋ ءۇشىن ءبىزدىڭ قولىمىزدا نە بولۋى كەرەك؟
- كارتا.
- دۇرىس ايتاسىڭدار، ەندەشە مەن سەندەرگە ءقازىر ساياحات كارتاسىن تاراتىپ بەرەمىن.
- بالالار، ءبىر - بىرىڭە جۇمىس الدىندا نە تىلەيسىڭدەر؟
(توپتار ءبىر - بىرىنە ىسكە ساتتىلىك، جەتىستىككە جەتەيىك دەگەن تىلەكتەر ايتادى)
ءار توپ جەتەكشىلەرى الدارىنداعى باعالاۋ پاراعىنا توپ مۇشەلەرىنىڭ جاۋاپتارىن باعالاپ وتىرادى.

ساياحات كارتاسى
1. ۆوكزال
2. بايتەرەك
3. پيراميدا
4. اق وردا
5. «دۋمان»

6. «حان شاتىرى»
1 - ايالداما. سوزدىك القابى.
عيمارات - زدانيە
ايالداما - وستانوۆكا
كورىكتى - كراسيۆيي
جاعا - بەرەگ
ورتالىق - سەنتر
ويىن - ساۋىق ورتالىعى - رازۆلەكاتەلنىي سەنتر
ءسوز تىزبەگى ءسوز تىركەسى تىزبەگى سويلەم تىزبەگى

2 - ايالداما. «بايتەرەك»
1. مالىمەت بەرۋ.
استانا قالاسىنىڭ سول جاعالاۋىندا «استانا - بايتەرەك» مونۋمەنتى ورنالاسقان. مۇندا ءومىر اعاشى - بايتەرەكتىڭ كوك اسپانعا قاراي سامعاۋى كورىنىس تاپقان. بايتەرەك عيماراتىنىڭ بيىكتىگى - 97 مەتر. «استانا - بايتەرەك» مونۋمەنتى كەشەنىن سالۋ يدەياسىنىڭ اۆتورى - ق. ر پرەزيدەنتى ن. ءا. نازاربايەۆ.
2. تاپسىرما
ءماتىن بويىنان جالعاۋ جالعانعان سوزدەردى تەرىپ جاز.

3 - ايالداما «پيراميدا»
بەيبىتشىلىك پەن كەلىسىم سارايى 2006 جىلى كورنەكتى بريتاندىق ساۋلەتشى نورمان فوستەر سالعان ەرەكشە پيراميدا. ونىڭ بيىكتىگى 62 مەتر. پيراميدانىڭ تابانىندا 1، 5 مىڭ ورىنعا ارنالعان وپەرا زالى، جوعارى بولىگىندە عيماراتتىڭ نەگىزگى بولمەسى بار. وندا قازاقستان اسسامبلەياسىنىڭ كەڭسەلەرى، مۇراجايلار، كورمە زالدارى ورنالاسقان.
تاپسىرما
*ءار توپ ءماتىن بويىنشا سۇراقتار ازىرلەپ، ساندىقشاعا سالادى.
*كەزەكپەن ساندىقشاداعى سۇراققا جاۋاپ بەرەدى.

سەرگىتۋ ءساتى
4 - ايالداما «اق وردا»
«اق وردا» ق. ر پرەزيدەنتىنىڭ رەزيدەنسياسى. ول ەسىل وزەنىنىڭ سول جاق جاعالاۋىندا ورنالاسقان. عيمارات اۋدانى 36 720 ش. م قۇرايدى. رەزيدەنسيا جانىندا كر پارلامەنتى، ق ر ۇكىمەت ءۇيى، ق ر جوعارى سوتى، ق ر مينيسترلىكتەر ءۇيى ورنالاسقان.
تاپسىرما
«ماقال قۋالاسپاق» ويىنى

5 - ايالداما «دۋمان»
«دۋمان» ويىن - ساۋىق ورتالىعى ەلوردانىڭ سول جاعالاۋىندا سالىنعان. 3د كينوتەاترى، «دجۋنگلي» اتتراكسيونى، بوۋلينگ، كوپ فۋنكسيونالدىق زال مەن قوناق ءۇي كەشەنى، سونىمەن قاتار ساۋدا زالدارى، بالالارعا ارنالعان ويىن الاڭدارى بار. «دۋمان» ەرەسەكتەردىڭ دە، بالالاردىڭ دا سۇيىكتى دەمالىس ورنى.
تاپسىرما
«مەنى ءتۇسىن». وقۋشىلار ءماتىننىڭ بولىگىن وقيدى دا، كىلتتى سوزدەردى داپتەرلەرىنە جازادى. ك ەيىن ماتىنمەن سالىستىرىپ، تەكسەرەدى.

6 - ايالداما «حان شاتىرى»
بەيبىتشىلىك جانە كەلىسىم سارايىنىڭ جەلىسىن جالعاستىراتىن ساۋدا جانە ويىن - ساۋىق ورتالىعى. 200-دەي مەترلىك كەشەن قالانىڭ ءزاۋلىم دومينانتىنا اينالدى. ونىڭ قاڭقاسى ۇساق توردان قۇرالعان ءزاۋلىم شاتىر ىشىندە اۋدانى 100 شارشى مەتر قالالىق ساياباق، دۇكەندەر، كينو تەاترلار، كونسەرت الاڭى بار. استانا تۇرعىندار وزدەرىنىڭ بوس ۋاقىتتارىن وسى جەردە وتكىزە الادى.

تاپسىرما
بەرىلگەن سوزدەردى قۇرامىنا قاراي تالدا.
سارايىنىڭ، ۋاقىتتارى، وزدەرىنىڭ، تۇرعىنداردى.
- بالالار، وسىمەن ساياحاتىمىز اياقتالدى.
- ساياحات سەندەرگە ۇنادى ما؟
- ولاي بولسا، بۇگىنگى ساباعىمىزدىڭ قورىتىندى كەزەڭىنە دە، كەلىپ جەتتىك.
«سيقىرلى ساندىق». بەرىلگەن سانداردى تاڭداپ، جاسىرىنعان سۇراقتارعا جاۋاپ بەرۋ.
1. ەسىل وزەنىنىڭ جاعالاۋىندا ورنالاسقان اسەم قالا؟
2. استاناداعى ويىن - ساۋىق ورتالىقتارىن اتا.
3. بايتەرەكتىڭ ۇزىندىعى قانشا؟
4. ق. ر تۇڭعىش پرەزيدەنتى كىم؟
5. بيىل قازاقستاننىڭ تاۋەلسىزدىگىنە نەشە جىل؟
6. ءبىر سوزبەن اتا.
ءانۇران، ەلتاڭبا، تۋ.
7. ءانۇراننىڭ اۆتورلارىن اتا.
8. استاناعا قانداي تىلەك ايتاسىڭ؟
9. اداسقان سوزدەردى ورنىنا قوي.
استانا، ورنالاسقان، قالاسى، سولتۇستىك، ايماعىندا.
10. استانانىڭ بولاشاعىن قالاي ەلەستەتەسىڭ؟

ءۇي تاپسىرماسى: شىعارما جازۋ. «استانا - ارمان قالا»
ساباقتى قورىتىندىلاۋ.
باعالاۋ: توپ باسشىلارى باعالايدى.
باعالاۋ پاراعى.