tengrinews.kz
استانا اسپانىندا جويعىش ۇشاقتار ۇشادى: قورعانىس مينيسترلىگى تۇرعىنداردى ەسكەرتتى
15 مامىردا استانادا اۋە قورعانىس كۇشتەرىنىڭ جوسپارلى ءىس-شارالارى اياسىندا جويعىش ۇشاقتاردىڭ دەمونستراسيالىق ۇشۋى وتەدى. وسىعان بايلانىستى قورعانىس مينيسترلىگى استانالىقتار مەن قالا قوناقتارىنا ۇندەۋ جاسادى.
تاراتىلعان حابارلامادا ايتىلعانداي، ءىس-شاراعا دايىندىققا بايلانىستى 10 مامىردان باستاپ ەلوردانىڭ اۋە كەڭىستىگىندە اسكەري اۆياسيانىڭ جاتتىعۋ ۇشۋلارى باستالادى.
"جويعىش ۇشاقتاردىڭ ۇشۋى جانە جاتتىعۋ ءىس-شارالارى ءقاۋىپسىز بيىكتىكتە وتەدى جانە قالا ءومىرىنىڭ قالىپتى ىرعاعىن بۇزبايدى. جاتتىعۋلار مەن دەمونستراسيالىق ۇشۋ كەزىندە ىقتيمال دىبىس دەڭگەيىنىڭ قىسقا مەرزىمدى جوعارىلاۋىنا تۇسىنىستىكپەن قاراۋدى سۇرايمىز"، - دەپ حابارلادى قورعانىس ۆەدومستۆوسى.
سونداي-اق، قورعانىس مينيسترلىگى بارلىق ۇشۋلار قاۋىپسىزدىك تالاپتارىنا سايكەس ۇيىمداستىرىلعانىن جانە حالىق ءۇشىن ەشقانداي ءقاۋىپ توندىرمەيتىنىن اتاپ ءوتتى. ءتۇرلى-تۇستى تۇتىندەردى قولدانۋ تەك دەمونستراسيالىق سيپاتتا بولىپ، قورشاعان ورتاعا زيان كەلتىرمەيدى.
ەسكە سالا كەتەيىك، 25 اقپاندا قاراعاندى وبلىسىندا جوسپارلى وقۋ-جاتتىعۋ ۇشۋلارى كەزىندە سۋ-30سم جويعىش ۇشاعى اپاتقا ۇشىراعان بولاتىن. رەسمي مالىمەتتەر بويىنشا، ۇشاق ەكيپاجى ۋاقىتىلى كاتاپۋلتپەن شىققان. وقيعانىڭ سەبەپتەرى مەن ءمان-جايىن انىقتاۋ ءۇشىن قورعانىس مينيسترلىگىنىڭ ارنايى كوميسسياسى قۇرىلدى.
-
قازاقستاندا انالار كۇنىن اتاپ ءوتۋ اياسىندا انالارعا كورسەتىلەتىن مەملەكەتتىك قولداۋ شارالارى مەن انانىڭ قوعامداعى ءرولى تۋرالى ستاتيستيكالىق مالىمەتتەر جاريالاندى.
-
Astana residents and visitors are advised of planned military aviation exercises and demonstration flights involving fighter jets in the capital's airspace.
