Tengrinews.kz
استانا LRT: اەروپورت پەن "نۇرلى جول" ۆوكزالى ارالىعى 40 مينۋتتا جۇرىلەتىن بولادى
استانادا 2026 جىلى LRT (جەڭىل رەلستى كولىك) جۇيەسى ىسكە قوسىلادى. بۇل جاڭا كولىك جۇيەسى قالا ىشىندەگى جولدارداعى كولىك كەپتەلىسىن ازايتىپ، تۇرعىنداردىڭ قاتىناۋىن جەڭىلدەتەدى دەپ كۇتىلۋدە.
City Transportation Systems كومپانياسىنىڭ مالىمەتىنشە، LRT پويىزدارىنىڭ ارالىعى 5-10 مينۋتتى قۇرايدى. ستانسيالار اراسىنداعى جول ءجۇرۋ ۋاقىتى 1،5-3 مينۋتقا سوزىلادى.
ەڭ ۇزاق باعىت، ياعني "نۇرلى جول" ۆوكزالىنان "اەروپورت" ستانسياسىنا دەيىنگى ارالىقتى ءجۇرىپ ءوتۋ شامامەن 40 مينۋتتى الادى. پويىزدىڭ جىلدامدىعى ساعاتىنا 40-50 شاقىرىم بولادى.
LRT جۇيەسىنە ماماندار دايارلاۋ جۇمىستارى جوسپارلى تۇردە جۇرگىزىلىپ جاتىر. وقىتۋ پروسەسى جاقىن ايلاردا اياقتالادى دەپ كۇتىلۋدە.
سونداي-اق، كومپانيا ەلەكتروندى تولەم جۇيەسى مەن پويىز قوزعالىسىن باقىلاۋ سەرۆيستەرىن ازىرلەۋدە. ستانسيالار بيلەت ساتۋ ورىندارىمەن، كۇتۋ زالدارىمەن، سانيتارلىق توراپتارمەن، ەسكالاتورلارمەن جانە مۇمكىندىگى شەكتەۋلى جاندارعا ارنالعان ليفتتەرمەن جابدىقتالادى.
-
2026 جىلدىڭ ناۋرىز ايىنان باستاپ قازاقستاننان ازيا، تاياۋ شىعىس جانە ەۋروپا ەلدەرىنە جاڭا حالىقارالىق اۋە رەيستەرى ۇشادى.
-
ەكىباستۇزدا 25 جاستاعى ادىلەت كەندىر جوعالىپ كەتتى. پوليسيا، تۋىستارى مەن ەرىكتىلەر ونى ەكىنشى كۇن ىزدەپ جاتىر.
