Tengrinews.kz
جۇمباق جاعدايدا جوعالعان 25 جاستاعى قازاقستاندىق: "ادىلەت، شىق، ويان!"
ەكىباستۇزدا 25 جاستاعى ادىلەت كەندىر ەرەكشە جاعدايدا جوعالىپ كەتتى. پوليسيا، تۋىستارى مەن ەرىكتىلەر ونى ەكىنشى كۇن بويى ىزدەپ جاتىر.
بۇل تۋرالى Infohub.kz اقپارات اگەنتتىگى حابارلايدى.
اقپاراتقا سۇيەنسەك، 23 اقپان كۇنى كەشكىسىن ساعات 21:00 شاماسىندا ادىلەت قوروليەۆ كوشەسى، 82 مەكەنجايىنان قىزىل Hyundai MUFASA اۆتوكولىگىمەن تاكسي قىزمەتىنە جۇمىس ىستەۋگە شىققان. سودان بەرى ونىڭ قايدا ەكەنى بەلگىسىز بولىپ وتىر.
كولىگى تابىلدى، ءبىراق ىزدەۋ جالعاسۋدا
كەيىننەن ونىڭ كولىگى ەكىباستۇزداعى كوپقاباتتى ۇيلەردىڭ ءبىرىنىڭ اۋلاسىنان تابىلدى. سول جەردە ەرىكتىلەر ىزدەۋ شارالارىن باستادى. تابىلعان ۆيدەودا ىزدەۋ توبىنىڭ مۇشەسى داۋىس كۇشەيتكىش ارقىلى جوعالعان ازاماتقا: "ادىلەت، شىق، ويان!" دەپ ۇندەۋ تاستاعانى كورىنەدى. بۇل سوزدەر جەلىدە قىزۋ تالقىعا تۇسكەن. كەيبىرەۋلەر بۇل ءسوزدى ورىنسىز دەپ تاپسا، ەندى بىرەۋلەر ايەلدىڭ جاناشىرلىعى مەن ىزدەۋگە نازار اۋدارتۋ ارەكەتىن قۇپتادى.
پوليسيا مەن ەرىكتىلەر بەينەكامەرا جازبالارىن زەرتتەپ، ادىلەتتىڭ جۇرگەن باعىتتارىن انىقتاۋعا تىرىسۋدا.
جۇمىسىنا شىقپاعان
پاۆلودار وبلىستىق پوليسيا دەپارتامەنتىنىڭ حابارلاۋىنشا، جاس جىگىت "ءىز-تۇزسىز جوعالعان" رەتىندە ىزدەستىرىلىپ جاتىر. ونىڭ تۋىستارىنىڭ ايتۋىنشا، ادىلەت تەمىرجولدا ۆاگونداردى تەكسەرۋشى بولىپ جۇمىس ىستەيدى. 24 اقپانعا قاراعان ءتۇنى ول جۇمىسقا كىرىسۋى ءتيىس بولعان، الايدا جۇمىسقا كەلمەگەن.
"باۋىرىم ەشقاشان جۇمىستان قالمايتىن، ەسكەرتپەي جوعالىپ كەتپەيتىن. ءاردايىم بايلانىستا بولاتىن. ونىڭ كولىگى بوتەن اۋلادا، كامەرانىڭ كوزىنە ىلىنبەيتىن جەردە تۇرعان"، - دەيدى ءسىڭلىسى.
ونىڭ ايتۋىنشا، سوڭعى رەت ول اعاسىمەن 23 اقپان كۇنى كەشكى ساعات وندا تەلەفون ارقىلى سويلەسكەن.
اقپارات بەرگەندەرگە سىياقى ۇسىنىلادى
تۋىستارى ادىلەتتىڭ قانداي دا ءبىر اقپاراتى بار جانداردان حابارلاسۋىن سۇرايدى. ونىڭ بويى 165-170 سم، ورتا دەنەلى، قارا شاشتى. قولىندا ساعاتى مەن اراب جازۋى بار ءمور ساقيناسى بولعان. جوعالعان كۇنى سۇر كۇرتەشە، جاسىل سپورتتىق كوستيۋم جانە قارا كروسسوۆكا كيگەن.
-
استانادا 2026 جىلى LRT ىسكە قوسىلادى دەپ جوسپارلانۋدا. بۇل جوبا جولدارداعى كولىك كەپتەلىسىن ازايتىپ، قالا ىشىندەگى قوزعالىستى جەدەلدەتۋگە ءتيىس.
-
A 25-year-old man has disappeared from Ekibastuz، prompting a large-scale search by police، family، and volunteers. His car was found، but his whereabouts remain unknown.
