Tengrinews.kz / مارجان كۋاندىكوۆا
استانا LRT شۋمى: قالا تۇرعىندارى پىكىرتالاسقا ءتۇستى
استانادا جەڭىل رەلستى كولىك (LRT) سىناقتارى جالعاسۋدا. العاشقى ۆيدەولارمەن بىرگە الەۋمەتتىك جەلىلەردە جاڭا كولىك قۇرالىنىڭ شۋى تۋرالى پىكىرتالاس تۋىندادى. قالا تۇرعىندارى جاڭا كولىك قانشالىقتى دىبىس شىعاراتىنىن بەلسەندى تالقىلاۋدا.
بۇل تۋرالى Infohub.kz اقپارات اگەنتتىگى حابارلايدى.
«كۇتكەنىمنەن شۋلىراق ەكەن»
Threads جانە باسقا دا پلاتفورمالارداعى پايدالانۋشىلار قوزعالىستاعى پويىزداردىڭ بەينەجازبالارىن جاريالايدى. جەلى قولدانۋشىلارىنىڭ ءبىرى، LRT جەلىسىنە جاقىن جەردە تۇراتىنىن ايتىپ، بىلاي دەپ جازدى: «تىنىش بولادى دەپ ويلاعانمىن، ءبىراق جوق. تەرەزە جابىق بولسا، قالىپتى، ال اشىق بولسا، پويىز وتكەندە بايقالادى».
مۇنداي جازبالار تەز ارادا ونداعان پىكىر جينايدى. كەيبىر پىكىرلەردە «مۇلدەم ەستىلمەيدى» دەسە، ەندى ءبىرى ونى ۇشاقپەن سالىستىرادى.
«كولىكتەن دە ەستىلەدى» جانە «ۇشاق ۇشىپ بارا جاتىر دەپ ويلادىم»
پايدالانۋشىلاردىڭ ءبىر بولىگى دىبىستىڭ قاشىقتىقتان دا سەزىلەتىنىن ايتادى.
«شىنىمەن شۋلايدى، ءتىپتى كولىكتەن دە ەستىلەدى»،
«جاقىنداپ ءوتىپ بارا جاتقاندا، ۇشاق تومەن ۇشىپ بارا جاتىر ما دەپ ويلادىم».
باسقالارى مۇنى پويىزدىڭ ساعاتىنا 80 كم/جىلدامدىقپەن جۇرۋىمەن جانە دىبىس وقشاۋلاعىشى جوق اشىق ەستاكادالاردىڭ دىبىستى كۇشەيتۋىمەن بايلانىستىرادى.
«بۇل فيزيكا: مەتاللدىڭ مەتالعا ءتيۋى – دىبىس پەن ءدىرىل. ونىڭ ۇستىنە جولدار اشىق، دىبىس قالقاندارى جوق»، – دەپ جازادى پىكىر بىلدىرۋشىلەر.
«جاقىندا تۇرامىن – مۇلدەم ەستىلمەيدى»
الايدا، قاراما-قارسى پىكىرلەر دە بار. جەلى بويىنداعى ۇيلەردە تۇراتىن كەيبىر تۇرعىندار دىبىس دەڭگەيىنىڭ وتە تومەن ەكەنىن ايتادى.
«LRT دەڭگەيىندە تۇرامىن، تەرەزەلەر تۋرا جەلىگە قارايدى – اشىق تەرەزەمەن ارەڭ ەستىلەدى»،
«ءتىپتى كوشەدە جاقىنداپ ءوتىپ بارا جاتقاندا دا، قاتتى دىبىس جوق».
ولاردىڭ ايتۋىنشا، دىبىس بار، ءبىراق ول قالىپتى قالا شۋىنان اسىپ كەتپەيدى.
وپەراتور نە دەيدى؟
جوبا وپەراتورى CTS كومپانياسىنىڭ مالىمەتىنشە، ازىرگە تۇرعىنداردان رەسمي شاعىم تۇسپەگەن.
«جوبانى جۇزەگە اسىرۋ اياسىندا دىبىس پەن ءدىرىلدى ازايتۋعا باعىتتالعان شەشىمدەر قولدانىلدى. جۇيە حالىقارالىق ستاندارتتارعا سايكەس كەلەدى»، – دەپ حابارلادى باسپا ءسوز قىزمەتى.
ەستەرىڭىزگە سالا كەتەيىك، استاناداعى LRT جەلىسىنىڭ سىناق پايدالانۋى باستالعانىنا التى ايداي ۋاقىت بولدى. استانا اكىمدىگىنىڭ حابارلاۋىنشا، جوبانى جۇزەگە اسىرۋ كەستەگە ساي ءجۇرىپ جاتىر جانە جولاۋشىلار تاسىمالىن وسى جىلدىڭ كوكتەمىندە ىسكە قوسۋ جوسپارلانعان.
-
A joint operation between Kazakhstan and Ukraine has exposed a sophisticated criminal group that defrauded hundreds of people through online scams and fake investments.
-
فۋتبولدان قازاقستان ۇلتتىق قۇراماسى FIFA Series تۋرنيرىندەگى جەڭىسىنەن كەيىن فيفا رەيتينگىسىندە ءتورت ساتىعا كوتەرىلدى.
