Tengrinews.kz / اليمجان امانجول
قازاقستان قۇراماسى فيفا رەيتينگىندە تاريحي جەڭىستەن كەيىن جوعارىلادى
فۋتبولدان قازاقستان ۇلتتىق قۇراماسى FIFA Series تۋرنيرىندەگى جەڭىسىنەن كەيىن فيفا رەيتينگىسىندە ءتورت ساتىعا كوتەرىلدى. بۇل تۋرالى Infohub.kz اقپارات اگەنتتىگى حابارلايدى.
حالىقارالىق فۋتبول قاۋىمداستىقتارى فەدەراسياسى (فيفا) الەمدىك قۇرامالار رەيتينگىن جاڭارتتى. وسى جاڭارتۋلار ناتيجەسىندە قازاقستان قۇراماسى ناميبيا جانە كومور ارالدارىمەن وتكىزگەن كەزدەسۋلەردەن كەيىن ءتورت ساتى جوعارىلادى.
قازاقستاننىڭ جاڭا ورنى
قازىرگى تاڭدا قازاقستاندىق كوماندا الەمدىك رەيتينگتە 110-ورىندا تۇر. بۇل كورسەتكىش بويىنشا كومور ارالدارى قۇراماسىنان (109-ورىن) ءبىر ساتى عانا تومەن. قازاقستاننان كەيىنگى ورىنداردا كحدر، ءازىربايجان، ءۇندىستان جانە باسقا دا قۇرامالار ورنالاسقان.
الەمدىك رەيتينگتەگى كوشباسشىلار
رەيتينگتىڭ كوشىن برازيليا مەن كولۋمبيانى جەڭگەن فرانسيا قۇراماسى باستاپ تۇر. ەكىنشى ورىندا يسپانيا، ءۇشىنشى ورىندا ارگەنتينا. تىزىمدەگى العاشقى وندىققا انگليا، پورتۋگاليا، برازيليا، نيدەرلاندى، ماروككو، بەلگيا جانە گەرمانيا قۇرامالارى كىرەدى.
تاريحي جەڭىس
كومور ارالدارى قۇراماسىمەن وتكەن كەزدەسۋدەگى (1:0) جەڭىس قازاقستان قۇراماسىنا تاريحتاعى العاشقى تيتۋلدى – FIFA Series ءتۋرنيرىنىڭ كۋبوگىن الىپ كەلدى.
-
استاناداعى جەڭىل رەلستى كولىك (LRT) سىناقتارى جالعاسۋدا. سوڭعى كەزدەرى الەۋمەتتىك جەلىلەردە جاڭا كولىك قۇرالىنىڭ شۋى تۋرالى پىكىرتالاس قىزۋ ءجۇرىپ جاتىر.
-
الماتى تۇرعىندارى قالادا باسقا وبلىستاردىڭ پوليسيا كولىكتەرىنىڭ كوپتەپ جۇرگەنىن بايقاپ، الەۋمەتتىك جەلىدە ۆيدەولار جاريالادى. بۇل جاعدايدىڭ سەبەبى نەدە؟
