tengrinews.kz
استانا مەن كوكشەتاۋدى بايلانىستىراتىن LRT قۇرىلىسى باستالدى
استانا مەن كوكشەتاۋدى بايلانىستىراتىن جەڭىل رەلستى كولىك (LRT) جەلىسىنىڭ ەكىنشى كەزەڭىنە قاتىستى جۇمىستار باستالدى. بۇل تۋرالى City Transportation Systems كومپانياسى حابارلادى.
كومپانيا مالىمەتىنشە، استانا مەن كوكشەتاۋدى جالعايتىن باعىتتا العاشقى تىرەۋىش قۇيۋ جۇمىستارى جۇرگىزىلدى. سونىمەن قاتار، استاناداعى بەتون زاۋىتىندا ەستاكادالىق بولىككە ارنالعان العاشقى تەمىربەتون بالكا دايىندالدى.
LRT قۇرىلىسىنىڭ ەكىنشى كەزەڭى
كوكشەتاۋ باعىتىنداعى LRT جەلىسى بويىنشا 300-دەن استام تىرەۋىش ورناتىلىپ، 538 تەمىربەتون بالكا جانە سەگىز ءمونوليتتى بالكا مونتاجدالادى. بۇل جوبانىڭ جۇزەگە اسىرىلۋى ەلوردانىڭ كولىك ينفراقۇرىلىمىن دامىتۋعا ىقپال ەتەدى.
استانا اكىمى جەڭىس قاسىمبەكتىڭ ايتۋىنشا، بۇل LRT جوباسىنىڭ ەكىنشى كەزەڭىندەگى ءبىر عانا باعىت. ەكىنشى باعىت سىعاناق كوشەسى ارقىلى تۇرانعا دەيىن، ودان ءارى ەسكى قالاعا، تەمىرجول ۆوكزالىنا دەيىن جەتەدى. كوكشەتاۋعا باراتىن ءبىرىنشى باعىتتى ءبىر جارىم جىل ىشىندە اياقتاۋ جوسپارلانۋدا. بۇعان دەيىن اكىم كوكشەتاۋعا باراتىن جەلىنىڭ ءىشىنارا جەر ۇستىندە بولاتىنىن ايتقان ەدى.
LRT سىناقتارى جانە جولاۋشىلار تاسىمالى
استاناداعى LRTء-نىڭ سىناق ءجۇرىسى 2025 جىلدىڭ 29 قىركۇيەگىندە باستالدى. سىناقتار كەمىندە التى ايعا سوزىلادى دەپ حابارلانعان بولاتىن. 2026 جىلدىڭ ناۋرىز ايىندا جەڭىس قاسىمبەك كوكتەمدە جولاۋشىلار تاسىمالى باستالاتىنىن مالىمدەگەن ەدى. CTS كومپانياسى پويىزداردىڭ ساعاتىنا 40-50 شاقىرىم جىلدامدىقپەن جۇرەتىنىن، «نۇرلى جول» ستانسياسىنان اۋەجايعا دەيىنگى جول شامامەن 40 مينۋتتى الاتىنىن، ال قوزعالىس ارالىعى ۋچاسكەگە بايلانىستى 5-10 مينۋتتى قۇرايتىنىن ناقتىلادى.
-
استرولوگيچەسكيي پروگنوز نا ماي راسسكاجەت، كاك زۆەزدى پوۆليايۋت نا ۆاشە فينانسوۆوە بلاگوپولۋچيە. ۋزنايتە، كومۋ ستويت بىت وستوروجنەە س تراتامي، ا كوگو جدەت دەنەجنىي ۋسپەح.
-
Construction begins on the second phase of Astana's Light Rail Transit system، aiming to connect the capital with Kokshetau and improve urban mobility.
