InfoHub Logo

استانادان شىمكەنتكە ۇشقان FlyArystan اۋەكومپانياسىنىڭ جولاۋشىسى ۇشاقتان تۇسكەننەن كەيىن سومكەسىنىڭ جوعالعانىن مالىمدەدى. ونىڭ ايتۋىنشا، سومكەدە قۇجاتتارى مەن التىن بۇيىمدارى بولعان.

بۇل تۋرالى Infohub.kz اقپارات اگەنتتىگى حابارلايدى.

وقيعا 7 مامىردا بولعان رەيستە ورىن الدى. جولاۋشىنىڭ ايتۋىنشا، ۇشاققا وتىرعان كەزدە قول جۇگىن قوياتىن ورىن بولماعان. سول سەبەپتى بورتسەرىك ونىڭ سومكەلەرىن جولاۋشى وتىرعان ورىننان (4C) ارتقا، 5B ورىندىعىنىڭ جانىنا قويعان.

قونۋدان كەيىن جولاۋشى سومكەسىنىڭ تۇرعان جەرىندەگى پاكەتتىڭ جىرتىلعانىن بايقاعان. كەيىن ۇيىنە جەتكەندە، ىشىندە قۇجاتتارى مەن التىن اشەكەيلەرى بار كىشكەنتاي قىزعىلت سومكەسىنىڭ جوعالعانىن انىقتاعان.

جولاۋشىنىڭ تالابى

جولاۋشى وقيعا بويىنشا تەكسەرۋ جۇرگىزۋدى، 5A جانە 5C ورىندارىندا وتىرعان جولاۋشىلاردى انىقتاۋدى جانە ۇشاقتاعى، اۋەجايداعى، وتىرعىزۋ جانە ۇشىپ-قونۋ ايماقتارىنداعى بەينەكامەرا جازبالارىن تەكسەرۋدى سۇرادى.

پوليسيانىڭ جاۋابى

FlyArystan باسپا ءسوز قىزمەتىنە حابارلاسقانىمىزدا، جاۋاپ الا المادىق. الايدا، كولىكتەگى پوليسيا دەپارتامەنتىنىڭ باسپا ءسوز قىزمەتى ارىز بويىنشا تەرگەۋ باستالعانىن حابارلادى.

«استانا اۋەجايىنداعى كولىكتەگى پوليسيا باسقارماسى ۇرلىق فاكتىسى بويىنشا قىلمىستىق ءىس قوزعادى. قازىرگى ۋاقىتتا وقيعانىڭ ءمان-جايىن انىقتاۋعا باعىتتالعان بارلىق قاجەتتى تەرگەۋ ارەكەتتەرى جۇرگىزىلۋدە. ق ر قپك-نىڭ 201-بابىنا سايكەس، باسقا اقپارات جاريا ەتىلمەيدى»، - دەپ حابارلادى ۆەدومستۆو.

وقيعانىڭ باسقا دا ءمان-جايلارى ازىرگە رەسمي تۇردە ناقتىلانبادى.