tengrinews.kz
استانا تۇرعىنى «جەڭىلدىك» دەگەنگە الدانىپ، 20 ميلليون تەڭگەسىنەن ايىرىلدى
استاناداعى تۇرعىن بەيتانىس ادامنىڭ «ارزان باعامەن تەلەارنا قوسۋ» تۋرالى ۇسىنىسىنا سەنىپ، 20 ميلليون تەڭگەسىنەن ايىرىلدى. بۇل تۋرالى قالا پروكۋراتۋراسى مالىمدەدى.
بۇل تۋرالى Infohub.kz اقپارات اگەنتتىگى حابارلايدى.
وتكەن ايدا استانالىققا ۇيالى بايلانىس وپەراتورىنىڭ قىزمەتكەرىمىن دەپ تانىسقان بەيتانىس ادام حابارلاسقان. ول قوسىمشا تەلەارنالارعا 30 پايىزدىق جەڭىلدىك ۇسىنىپتى. سويلەسۋ بارىسىندا ەر ادامدى ءبىرقاتار ارەكەتتەر جاساۋعا كوندىرىپ، ونىڭ سمارتفونىنا قاشىقتان قول جەتكىزگەن. وسىدان كەيىن، جابىرلەنۋشىنىڭ دەپوزيتىنەن 20 ميلليون تەڭگە ۇرلانعان.
الاياقتاردىڭ جاڭا ءادىسى
قازىرگى تاڭدا الاياقتىق دەرەگى بويىنشا سوتقا دەيىنگى تەرگەۋ باستالدى. ازاماتقا كەلتىرىلگەن شىعىن وتە ءىرى كولەمدە دەپ ەسەپتەلۋدە.
قۇقىق قورعاۋ ورگاندارى ەسكەرتەدى
استانا قالالىق پروكۋراتۋراسى ازاماتتاردى مۇقيات بولۋعا، تەلەفون ارقىلى بەيتانىس ادامداردىڭ نۇسقاۋلارىن ورىنداماۋعا، سونداي-اق قۇپيا كودتاردى، بانك كارتاسى دەرەكتەمەلەرىن جانە جەكە مالىمەتتەردى ءۇشىنشى تۇلعالارعا بەرمەۋگە شاقىرادى.
بۇعان دەيىن قازاقستاندىقتاردىڭ ەمحاناعا بارعاننان كەيىن دەرەۋ كۇدىكتى قوڭىراۋلار قابىلدايتىنى تۋرالى شاعىمدارى تۋرالى حابارلاعان بولاتىنبىز. ولار دارىگەر بولىپ تانىسىپ، كودتى سۇراپ، كەيىن نەسيە تۋرالى حابارلامالار پايدا بولعان. دەنساۋلىق ساقتاۋ مينيسترلىگىنىڭ مالىمەتىنشە، بۇل جاعدايلار ەلىمىزدىڭ ءارتۇرلى وڭىرلەرىندە تىركەلۋدە جانە ادەتتە مەديسينالىق ۇيىمداردىڭ قىزمەتىمەن بايلانىستى ەمەس.
-
كاسىپكەر تۇرسىن الاگوزوۆ پەن پروديۋسەر بايان ماقسات قىزىنىڭ YouTube-شوۋعا كورسەتكەن ءزاۋلىم ءۇيى جۇرتشىلىقتى تاڭ قالدىردى. ءۇي يەلەرى ەڭ ۇزدىك پىكىر قالدىرعان وقىرمانعا 500 مىڭ تەڭگە نەمەسە برەند سومكەسىن ۇسىنادى.
-
جاڭا ەرەجەلەر مىڭداعان ادامنىڭ تابىسىنان ايىرىپ، باعانى كوتەرۋى مۇمكىن. كۋرەرلەر وداعىنىڭ وكىلى جاعدايدى باعالادى.
