Photo: Ayazhan (https://www.pexels.com/@ayazhan-3173683) / Pexels
500 مىڭ تەڭگەگە الاگوزوۆتەردىڭ ءۇيىن ماقتاعاندارعا سىيلىق بەرىلەدى
بەيبىت الىبەكوۆتىڭ «پو دومام» YouTube-جوباسىنىڭ جاڭا شىعارىلىمى قازاقستاندىق كاسىپكەر تۇرسىن الاگوزوۆ پەن ونىڭ جارى، پروديۋسەر بايان ماقسات قىزىنىڭ الماتى ماڭىنداعى ءزاۋلىم ۇيىنە ارنالدى. جۇپ بۇل شىعارىلىم تۋرالى ەڭ ۇزدىك پىكىر قالدىرعان وقىرمانعا 500 مىڭ تەڭگە نەمەسە بايان ماقسات قىزىنىڭ برەند سومكەسىن سىيعا تارتپاق.
بۇل تۋرالى Infohub.kz اقپارات اگەنتتىگى حابارلايدى.
اۋماعى 4 گەكتاردان اساتىن ءزاۋلىم ۆيللا
ءسانى مەن سالتاناتى جاراسقان ۆيللا الماتى ىرگەسىندەگى تاۋلى ايماقتا ورنالاسقان. جالپى اۋماعى 4 گەكتار، ال ءۇيدىڭ ءوزى 2 مىڭ شارشى مەتردەن اسادى. ءار بولمەسى تالعامپازدىقپەن بەزەندىرىلگەن شاڭىراقتىڭ ىشكى ارلەۋىندە جىلتىر ءمارمار، قىمبات ديزاينەرلىك جيھازدار جانە كەڭ كيىم بولمەلەرى كوز تارتادى. ۇلكەن شكافتاردا Louis Vuitton، Swarovski، Hermès سەكىلدى الەمدىك برەندتەردىڭ سيرەك كەزدەسەتىن ۇلگىلەرى ساقتالعان.
«ءبارى ايەلىم ءۇشىن»
ءۇي ىشىندە جەكە باسسەين، جاتتىعۋ زالى، ءتىپتى ءۇي جانۋارلارىنا ارنالعان ارنايى بولمە دە بار. ءزاۋلىم ءۇيدىڭ اۋلاسىنداعى ەرەكشەلىكتەردىڭ ءبىرى – زاماناۋي ۇلگىدەگى ءساندى كيىز ءۇي. سەگىز قاناتتى كيىز ءۇيدىڭ ءىشى ۇلتتىق ناقىشتا بەزەندىرىلىپ، قوناق كۇتۋگە بارلىق جاعداي جاسالعان. بۇل وتباسىنىڭ داستۇرگە دەگەن قۇرمەتىن كورسەتەتىن سيمۆوليكالىق كەڭىستىك بايان ماقسات قىزىنىڭ وتىنىشىمەن ءبىر اي ىشىندە دايىندالىپتى.
«مۇنىڭ ءبارىن ايەلىم ءۇشىن ىستەدىم»، – دەيدى تۇرسىن الاگوزوۆ.
جەكە فيتنەس ورتالىعى مەن باسسەين
الاگوزوۆتەر وتباسى سالاۋاتتى ءومىر سالتىن ۇستانادى. ءۇي ىشىندە كاسىبي دەڭگەيدەگى ترەناجەر زالى مەن فيتنەس ورتالىعى ورنالاسقان. مۇندا سپورتزالعا بارماي-اق، كەز كەلگەن ۋاقىتتا جاتتىعۋ جاساۋعا بولادى. ال جاتتىعۋدان كەيىن سەرگۋ ءۇشىن ۇيدە كەڭ باسسەين دە قاراستىرىلعان.
ۇزدىك پىكىرگە – 500 مىڭ تەڭگە
شىعارىلىم سوڭىندا بەيبىت الىبەك ءۇي يەلەرىنەن ەڭ ۇزدىك پىكىر ءۇشىن قانداي سىي ۇسىناتىندارىن سۇراعاندا، كاسىپكەر جەڭىمپازعا 500 مىڭ تەڭگە بەرۋگە دايىن ەكەنىن ايتتى. ال ايەل ادام ۇتقان جاعدايدا بايان ماقسات قىزى ءوزىنىڭ برەند سومكەلەرىنىڭ ءبىرىن سىيعا بەرمەك.
1 تاۋلىك ىشىندە ۆيدەو 550 مىڭعا جۋىق كورىلىم جيناپ، 13 مىڭنان استام پىكىر جازىلعان. جەلى قولدانۋشىلارى بۇل جۇپتىڭ قارىم-قاتىناسىنا، بىر-بىرىنە دەگەن سىيلاستىعىنا تاڭدانىستارىن بىلدىرۋدە. كوپشىلىگى بۇل شىعارىلىمنان كەيىن وزدەرىنىڭ تۇرىپ جاتقان ۇيلەرى لاشىق ءتارىزدى بولىپ كورىنەتىنىن ايتقان.
-
سۋد ۆ كوستاناە ۆىنەس پريگوۆور بلوگەرۋ، وبۆينياەمومۋ ۆ ۆىموگاتەلستۆە كرۋپنوي سۋممى دەنەگ. پودروبنوستي دەلا.
-
الاياقتار جاڭا ادىسپەن استانا تۇرعىنىنىڭ دەپوزيتىنەن 20 ميلليون تەڭگەسىن جىمقىردى. ولار تەلەارنالارعا جەڭىلدىك ۇسىنىپ، ازاماتتىڭ تەلەفونىنا قاشىقتان قول جەتكىزگەن.
