depositphotos.com
استانادا 19 جاستاعى ايەل جاڭا تۋعان ءسابيىن ساتىپ جىبەرگەنى ءۇشىن اتا-انا قۇقىعىنان ايرىلدى
استانادا 19 جاستاعى ايەل جاڭا تۋعان ءسابيىن جالعان كەلىسىمشارت ارقىلى ساتىپ جىبەرگەن. سوت ونى جانە دەلدالداردى كىنالى دەپ تانىپ، شارتتى تۇردە باس بوستاندىعىنان ايىردى.
بۇل تۋرالى Infohub.kz اقپارات اگەنتتىگى حابارلايدى.
انىقتالعانداي، ەلوردا تۇرعىنى 19 جاستاعى بويجەتكەن دەلدالدار ارقىلى ءوزىنىڭ جاڭا تۋعان ءسابيىن اقشاعا ساتقان. بۇل كەلىسىمشارت جۇكتىلىكتىڭ سەگىزىنشى ايىندا جاسالعان جانە ول جالعان «جاساعان انا» كەلىسىمشارتى رەتىندە راسىمدەلگەن.
سوت ۇكىمى
2025 جىلعى 23 مامىرداعى سوت ۇكىمىمەن اتالعان قىز جانە دەلدالدار قىلمىستىق كودەكستىڭ «كامەلەتكە تولماعانداردى ساتۋ» بابى بويىنشا كىنالى دەپ تانىلدى. سوتتالۋشىلارعا 8 جىلعا شارتتى تۇردە باس بوستاندىعىنان ايىرۋ جانە سىناق مەرزىمىندە باقىلاۋ بەلگىلەندى.
بالانىڭ قۇقىعى قورعالدى
بالانىڭ قۇقىقتارى مەن زاڭدى مۇددەلەرىن قورعاۋ ماقساتىندا، ول كامەلەتكە تولماعاندارعا ارنالعان مامانداندىرىلعان مەكەمەگە ورنالاستىرىلدى. سونىمەن قاتار، مامانداندىرىلعان بالالار ءۇيىنىڭ تالاپ-ارىزى بويىنشا اناسى اتا-انا قۇقىعىنان ايرىلدى.
استانا قالالىق پروكۋراتۋراسى بالالارعا قاتىستى زاڭسىز مامىلەلەر قىلمىستىق جاۋاپكەرشىلىككە اكەپ سوعاتىنىن جانە قۇقىق قورعاۋ ورگاندارىنىڭ ەرەكشە باقىلاۋىندا ەكەنىن ەسكە سالادى.
-
بقو-دا ونداعان كول مەن وزەن ارناسى العاش رەت 10 جىل مەرزىمگە جەكە كاسىپكەرلەرگە بەرىلەدى. بۇل بالىق شارۋاشىلىعىن دامىتۋعا باعىتتالعان ماڭىزدى قادام.
-
A 19-year-old woman in Astana has been stripped of her parental rights and received a suspended sentence for selling her newborn child.
