InfoHub Logo

باتىس قازاقستان وبلىسىندا العاش رەت ونداعان كول، توعان جانە وزەن ارناسى بالىق اۋلاۋ جانە بالىق ءوسىرۋ ماقساتىندا 10 جىل مەرزىمگە جەكە قولعا بەرىلەدى. كونكۋرسقا قاتىسۋشىلار ءۇشىن كەپىلدىك جارنالار 43 250 تەڭگەدەن باستالادى. بۇعان دەيىن مۇنداي سۋ ايدىندارىن بەكىتۋ بويىنشا كونكۋرستار وتكىزىلمەگەن.

بۇل تۋرالى Infohub.kz اقپارات اگەنتتىگى حابارلايدى.

العاشقى بولىپ، 14 ساۋىردە وتكەن كونكۋرس قورىتىندىسى بويىنشا بايتەرەك اۋدانى رۋبەجين اۋىلدىق وكرۋگىندەگى قوپا كولى جەكە تۇلعانىڭ يەلىگىنە ءوتتى. كونكۋرستىڭ جالعىز قاتىسۋشىسى، جەكە تۇلعا ەرلان مالىك ۇلى قۇرمانوۆ بالىق شارۋاشىلىعىن جۇرگىزۋ قۇقىعى ءۇشىن 1 007 000 تەڭگە تولەدى. جەرگىلىكتى تۇرعىندارعا ەندى كولگە بالىق اۋلاۋ ءۇشىن اقى تولەۋ قاجەتتىگى ايتىلدى.

بالىق شارۋاشىلىعىن دامىتۋ جوسپارى

جايىق-كاسپيي وبلىسارالىق باسسەيندىك بالىق شارۋاشىلىعى ينسپەكسياسى كاسىپكەرلەرگە سۋ ايدىندارىن بەكىتۋ بويىنشا كونكۋرستار دايىنداپ جاتىر. بۇل شارالار كاسىپتىك جانە سپورتتىق بالىق اۋلاۋدان باستاپ، كولدىك-تاۋارلىق بالىق ءوسىرۋدى قامتيدى. جالپى اۋدانى مىڭ گەكتارعا جۋىق كولدەر مەن تۇتاس وزەن ارنالارىن قامتيتىن ءىرى اۋماقتار تۋرالى ءسوز بولىپ وتىر. كونكۋرسقا قاتىسۋشىلار سالىق بەرەشەگى، بۇرىنعى مىندەتتەمەلەردى ورىنداۋ جانە بالىق شارۋاشىلىعى ماماندارىنىڭ بولۋى بويىنشا تەكسەرىلەتىن بولادى.

ينسپەكسيا «ورال اپتالىعىنا» رەسمي جاۋابىندا 2026 جىلى كونكۋرسقا شىعارىلاتىن رەزەرۆتىك بالىق شارۋاشىلىعى سۋ ايدىندارىنىڭ ءتىزىمىن ۇسىندى. 2027 جىلعا ارنالعان ءتىزىم ءالى جاسالماعانىن ينسپەكسيا اتاپ ءوتتى.

كونكۋرسقا قانداي سۋ ايدىندارى شىعارىلادى؟

كاسىپتىك جانە اۋەسقوي بالىق اۋلاۋ ءۇشىن

تىزىمگە 15 اتاۋلى كول، ەسكى ارنالار، سۋ قويمالارى جانە وزەن ارنالارى كىرەدى:

ۋچاسكەلەردىڭ كوپشىلىگى اۋەسقوي جانە سپورتتىق بالىق اۋلاۋعا ارنالعان، ءبىراق كەيبىر سۋ ايدىندارى كاسىپتىك بالىق اۋلاۋ ءۇشىن دە قولدانىلادى. بارلىق نىسانداردى بەكىتۋ مەرزىمى 10 جىلدى قۇرايدى.

كولدىك-تاۋارلىق جانە تورلى بالىق ءوسىرۋ ءۇشىن

اكۆاكۋلتۋرا ءۇشىن 17 سۋ ايدىنى مەن توعان بولەك كونكۋرسقا شىعارىلادى:

ولار دا 10 جىل مەرزىمگە بەكىتىلەتىن بولادى.

كونكۋرستار قايدا جاريالانادى؟

سۋ ايدىندارىنىڭ ءتىزىمى باتىس قازاقستان وبلىسى تابيعي رەسۋرستار باسقارماسىنىڭ سايتىندا ورنالاستىرىلادى، ال كونكۋرستار تۋرالى حابارلاندىرۋلار بالىق ينسپەكسياسىنىڭ Instagram پاراقشاسىندا – bkobalykinspeksiasy قوسىمشا جاريالانادى.

كونكۋرسقا قاتىسۋشىلارعا قانداي تالاپتار قويىلادى؟

كاسىپتىك جانە سپورتتىق بالىق اۋلاۋ ءۇشىن

كونكۋرسقا قاتىسۋشىلار:

كولدىك-تاۋارلىق جانە تورلى بالىق ءوسىرۋ ءۇشىن

تالاپتار قاتاڭىراق:

كونكۋرستاردى وتكىزۋ ەرەجەلەرى قازاقستان رەسپۋبليكاسى اۋىل شارۋاشىلىعى ءمينيسترىنىڭ 2025 جىلدىڭ كۇزىندە قابىلدانعان بۇيرىقتارىمەن بەكىتىلگەنىن ينسپەكسيا اتاپ ءوتتى.