InfoHub Logo

قازاقستاننىڭ ەكى باستى قالاسىنداعى اۋا رايىندا ايتارلىقتاي ايىرماشىلىق كۇتىلۋدە. ەگەر استانادا اياز قالىڭداپ، تەمپەراتۋرا -27 گرادۋسقا دەيىن تومەندەسە، الماتىدا كوكتەمگى جىلىلىق سەزىلە باستايدى.

بۇل تۋرالى Infohub.kz اقپارات اگەنتتىگى حابارلايدى.

استانا اۋا رايىنىڭ بولجامى

اقپاننىڭ 11ء-ى كۇنى استانادا اۋىسپالى بۇلتتى بولىپ، تۇندە جانە تاڭەرتەڭ قار جاۋادى. كولىك جۇرگىزۋشىلەرىنە جولداعى كوكتايعاق پەن بۇرقاسىنعا دايىن بولۋ قاجەت. تۇندە جانە تاڭەرتەڭ تۇمان تۇسەدى. وڭتۇستىك-باتىس جەلى 9-14 م/س، ەكپىنى 15-20 م/س، كەيدە 23 م/س دەيىن جەتەدى. اۋا تەمپەراتۋراسى تۇندە جانە كۇندىز -13-15 گرادۋس بولادى، كۇن باتقان سايىن تەمپەراتۋرا ودان ءارى تومەندەيدى.

اقپاننىڭ 12ء-سى كۇنى جاۋىن-شاشىنسىز، اۋىسپالى بۇلتتى اۋا رايى ساقتالادى. وڭتۇستىك-باتىس جەلى 5-10 م/س بولادى. تۇنگى تەمپەراتۋرا -23-25 گرادۋسقا دەيىن، كۇندىزگى تەمپەراتۋرا -17-19 گرادۋسقا دەيىن تومەندەيدى.

اقپاننىڭ 13ء-ى كۇنى اۋا رايى وزگەرىسسىز قالادى. وڭتۇستىك-شىعىس جەلى 2-7 م/س بولادى. تۇندە اياز -25-27 گرادۋسقا دەيىن كۇشەيەدى، ال كۇندىز تەمپەراتۋرا -13-15 گرادۋس شاماسىندا بولادى.

الماتى اۋا رايىنىڭ بولجامى

اقپاننىڭ 11ء-ى كۇنى الماتىدا اۋىسپالى بۇلتتى بولىپ، كۇندىز جاڭبىر مەن قار تۇرىندە جاۋىن-شاشىن بولادى. كەشكە قاراي ءالسىز تۇمان كۇتىلەدى. وڭتۇستىك-شىعىس جەل سولتۇستىك-باتىسقا اۋىسادى، 3-8 م/س جىلدامدىقپەن سوعادى. تۇنگى تەمپەراتۋرا 0-2 گرادۋس جىلى، ال كۇندىز +8-10 گرادۋسقا دەيىن كوتەرىلەدى.

اقپاننىڭ 12-13 كۇندەرى اۋا رايى اۋىسپالى بۇلتتى بولىپ، جاڭبىر مەن قار ارالاس جاۋىن-شاشىن، تۇمان، جولداردا كوكتايعاق بولادى. سولتۇستىك-باتىس جەلى 3-8 م/س جىلدامدىقپەن سوعادى. تۇنگى تەمپەراتۋرا -3-5 گرادۋس، كۇندىز 0-2 گرادۋس جىلى بولادى.

قازاقستانعا 30 گرادۋستىق اياز قايتا ورالادى

بۇعان دەيىن سينوپتيكتەر جاقىن كۇندەرى قازاقستاننىڭ كوپ بولىگىندە قاتتى جاۋىن-شاشىن بولاتىنىن حابارلاعان ەدى. ودان كەيىن انتيسيكلون قازاقستانعا 30 گرادۋسقا دەيىنگى ايازدى الىپ كەلەدى.