Tengrinews.kz / مارجان كۋاندىكوۆا
استانادا ءبىرقاتار كوشەلەر جابىلىپ، اسكەري ۇشاقتار ۇشادى
استانادا 25-29 مامىر ارالىعىندا رەسەي پرەزيدەنتىنىڭ مەملەكەتتىك ساپارى جانە جوعارى ەۋرازيالىق ەكونوميكالىق كەڭەسىنىڭ وتىرىسى وتەتىندىكتەن، قالانىڭ كەيبىر كوشەلەرىندە كولىك قوزعالىسىنا ۋاقىتشا شەكتەۋلەر قويىلادى. بۇل تۋرالى مەملەكەتتىك كۇزەت قىزمەتى حابارلادى.
بۇل شارالارعا ارنايى مەملەكەتتىك، قۇقىق قورعاۋ ورگاندارى مەن قارۋلى كۇشتەردىڭ رەسۋرستارىن، سونىڭ ىشىندە اسكەري اۆياسيا مەن تەحنيكانى پايدالانۋ كىرەدى. سونداي-اق، وسى كۇندەرى قورعانىس مينيسترلىگىنىڭ مايداندىق ۇشاقتارىنىڭ استانا ۇستىنەن ۇشۋى جوسپارلانعان.
«ەل استاناسىنىڭ تۇرعىندارى مەن قوناقتارىنان حالىقارالىق دەڭگەيدەگى ماڭىزدى وقيعا كەزىندە قاۋىپسىزدىكتى قامتاماسىز ەتۋگە باعىتتالعان شارالارعا تۇسىنىستىكپەن قاراۋدى سۇرايمىز»، - دەلىنگەن مەملەكەتتىك كۇزەت قىزمەتىنىڭ حابارلاماسىندا.
ماڭىزدى حالىقارالىق كەزدەسۋلەر
بۇعان دەيىن حابارلانعانداي، 27-29 مامىر ارالىعىندا قازاقستانعا رەسەي فەدەراسياسىنىڭ پرەزيدەنتى ۆلاديمير پۋتين مەملەكەتتىك ساپارمەن كەلەدى. ساپار بارىسىندا ەكى ەل باسشىلارى قازاقستان مەن رەسەي اراسىنداعى جان-جاقتى ستراتەگيالىق ارىپتەستىك پەن وداقتاستىق قارىم-قاتىناستارىن نىعايتۋدىڭ قازىرگى جاعدايى مەن پەرسپەكتيۆالارىن تالقىلايدى.
28 مامىردا ەۋرازيالىق ەكونوميكالىق وداعىنا مۇشە مەملەكەتتەردىڭ باسشىلارىنىڭ قاتىسۋىمەن ەۋرازيالىق ەكونوميكالىق فورۋم وتەدى. ال 29 مامىردا جوعارى ەۋرازيالىق ەكونوميكالىق كەڭەستىڭ وتىرىسى بولادى.
-
جامبىل وبلىسىندا جەر قاتىناستارى ءبولىمىنىڭ باسشىسى لاۋازىمىن اتقارۋشى نۇرجان اجىبايەۆ پارا الدى دەگەن كۇدىكپەن ۇستالدى. ونىڭ كابينەتىنەن 250 مىڭ تەڭگە تابىلدى.
-
Astana braces for traffic disruptions and aerial displays as it hosts a state visit and key Eurasian Economic Council meetings.
