f.azh.kz
جامبىل وبلىسىندا 250 مىڭ تەڭگە پارا العان شەنەۋنىك ۇستالدى
جامبىل وبلىسىندا سىبايلاس جەمقورلىققا قارسى ءىس-قيمىل اگەنتتىگىنىڭ قىزمەتكەرلەرى جوعارى لاۋازىمدى شەنەۋنىكتى ۇستادى. كۇدىككە ىلىنگەن – جەر قاتىناستارى ءبولىمىنىڭ باسشىسى لاۋازىمىن اتقارۋشى نۇرجان اجىبايەۆ.
بۇل تۋرالى Infohub.kz اقپارات اگەنتتىگى حابارلايدى.
رەسمي باسپا ءسوز حابارلاماسى ءالى جاريالانباعانىمەن، مەملەكەتتىك قىزمەتكەردى ۇستاۋ ءساتىنىڭ ۆيدەوجازبالارى الەۋمەتتىك جەلىلەر مەن Telegram ارنالارىندا كەڭىنەن تاراۋدا. دەرەككوزدەردىڭ حابارلاۋىنشا، شەنەۋنىك 250 مىڭ تەڭگە كولەمىندە پارا الدى دەگەن كۇدىككە ىلىنگەن. ول قانداي جەر تەلىمى ءۇشىن اقشا العانى جانە اقشانى كىم بەرگەنى تەرگەۋ بارىسىندا انىقتالۋدا.
اجىبايەۆ ۇستالعاننان كەيىن بىردەن ءوزىنىڭ جۇمىس كابينەتىنە كىرگىزىلگەن. شەنەۋنىكتىڭ جۇمىس ورنىندا بىرنەشە ساعات بويى جەدەل-ىزدەستىرۋ جانە تەرگەۋ شارالارى جۇرگىزىلگەنى حابارلاندى.
-
پاۆلودار وبلىسىنىڭ قورياكوۆكا اۋىلىنىڭ مەكتەپ وقۋشىلارى زاماناۋي فۋتبول الاڭىن سالۋدى ءوتىنىپ، الەۋمەتتىك جەلىدە ەموسيونالدى بەينەۇندەۋ جاريالادى.
-
رەسەي پرەزيدەنتىنىڭ مەملەكەتتىك ساپارى جانە جوعارى ەۋرازيالىق ەكونوميكالىق كەڭەسىنىڭ وتىرىسى قارساڭىندا استانادا كولىك قوزعالىسىنا شەكتەۋلەر ەنگىزىلەدى.
