InfoHub Logo

استانادا «بيزنەس-ترەنەر» تۇرعىنداردى تاقىرعا وتىرعىزىپ كەتتى

استانادا بيزنەس-ترەنەر تۇرعىندارعا ونلاين-ساۋدا كۋرستارىن ۇسىنىپ، الداپ كەتتى، دەپ حابارلايدى Infohub.kz.

ءوزىن ونلاين-ساۋدا جانە ساتىپ الۋ سالاسىنداعى بيزنەس-ترەنەر رەتىندە تانىستىرعان ازامات Instagram الەۋمەتتىك جەلىسى ارقىلى تۇرعىنداردى وقۋعا تارتقان. ول ونلاين-ساۋداعا ۇيرەتۋ كۋرستارىن ۇسىنىپ، كەيىن تىڭداۋشىلارعا تۇرمىستىق تەحنيكانى كوتەرمە ساۋدادا ساتۋ ءۇشىن قارجى سالۋدى ۇسىنىپ، سالىنعان قاراجاتقا 10% كولەمىندە پايدا ۋادە ەتكەن.
الايدا، اقشا العاننان كەيىن ۋادە ەتكەن شارتتاردى ورىنداماي، كليەنتتەرمەن بايلانىسىن ءۇزىپ جاسىرىنعان.
كەلتىرىلگەن زالال سوماسى 50 ملن تەڭگەدەن اسادى.
سوت ۇكىمىمەن كىنالىگە 5 جىل باس بوستاندىعىنان ايىرۋ جازاسى تاعايىندالدى.