InfoHub Logo

ەلىمىزدىڭ باستى قالالارى استانا مەن الماتىدا 1-3 ماۋسىم ارالىعىنداعى اۋا رايىنىڭ بولجامى بەلگىلى بولدى. قازگيدرومەتتىڭ باسپا ءسوز قىزمەتى تاراتقان مالىمەتتەرگە سۇيەنسەك، استانادا جاڭبىر مەن نايزاعاي، الماتىدا اپتاپ ىستىق ساقتالادى.

بۇل تۋرالى Infohub.kz اقپارات اگەنتتىگى حابارلايدى.

استاناداعى اۋا رايى

1 ماۋسىمدا ەلوردادا اۋىسپالى بۇلتتى بولادى. تۇندە شاعىن جاڭبىر مەن نايزاعاي، كۇندىز جاڭبىر، نايزاعاي جانە بۇرشاق جاۋۋى مۇمكىن. سولتۇستىك-باتىس جەل سوعىپ، كەيىن سولتۇستىك-شىعىسقا اۋىسادى. جەلدىڭ ەكپىنى تۇندە 3–8 م/س، كۇندىز 9–14 م/س، ەكپىنى 15–20 م/س دەيىن جەتەدى. تەمپەراتۋرا تۇندە +18…+20، كۇندىز +28…+30 گرادۋس جىلى بولادى.

2 ماۋسىمدا قالادا اۋىسپالى بۇلتتى اۋا رايى ساقتالادى. تۇندە جاڭبىر مەن نايزاعاي ىقتيمال. سولتۇستىك-باتىس جەلدىڭ جىلدامدىعى 9–14 م/س بولادى. تۇنگى تەمپەراتۋرا +15…+17، كۇندىز +27…+29 گرادۋسقا دەيىن جەتەدى.

3 ماۋسىمدا جاۋىن-شاشىنسىز، اۋىسپالى بۇلتتى اۋا رايى كۇتىلەدى. وڭتۇستىك-شىعىس جەل 9–14 م/س جىلدامدىقپەن سوعادى. تۇندە تەمپەراتۋرا +13…+15، كۇندىز +29…+31 گرادۋسقا دەيىن كوتەرىلەدى.

الماتىداعى اۋا رايى

1 ماۋسىمدا الماتىدا جاۋىن-شاشىنسىز، اۋىسپالى بۇلتتى اۋا رايى بولادى. وڭتۇستىك-باتىس جەل 3–8 م/س، كۇندىز ەكپىنى 13 م/س دەيىن جەتەدى. تۇنگى تەمپەراتۋرا +20…+22، كۇندىز +33…+35 گرادۋس ىستىق بولادى.

2 ماۋسىمدا اۋىسپالى بۇلتتى اۋا رايى بولجانادى. كۇندىز قىسقا مەرزىمدى جاڭبىر مەن نايزاعاي ىقتيمال. باتىس جەل 3–8 م/س، ەكپىنى 15 م/س دەيىن جەتەدى. تۇنگى تەمپەراتۋرا +21…+23، كۇندىز +30…+32 گرادۋس جىلى بولادى.

3 ماۋسىمدا اۋىسپالى بۇلتتى اۋا رايى ساقتالادى. كۇندىز قىسقا مەرزىمدى جاڭبىر مەن نايزاعاي كۇتىلەدى. سولتۇستىك-باتىس جەل 3–8 م/س، كەيدە ەكپىنى 15–18 م/س دەيىن جەتەدى. تۇنگى تەمپەراتۋرا +20…+22، كۇندىز +28…+30 گرادۋس جىلى بولادى.