kaztag.kz
جەتىسۋ وبلىسىنداعى جول قۇرىلىسى الەۋمەتتىك شيەلەنىس قاۋپىنە بايلانىستى توقتاتىلدى
جەتىسۋ وبلىسىنداعى بالپىق بي جانە باقتىباي اۋىلدارىنىڭ تۇرعىندارىنىڭ نارازىلىعىنا بايلانىستى جول قۇرىلىسى جوباسى توقتاتىلدى. بۇل تۋرالى ءبىرىنشى ۆيسە-پرەمەر نۇرلىبەك نالىبايەۆ مالىمدەدى.
بۇل تۋرالى Infohub.kz اقپارات اگەنتتىگى حابارلايدى.
«اتالعان ەلدى مەكەندەردى اينالىپ وتەتىن اۆتوموبيل جولىن سالۋ جوباسىن جۇزەگە اسىرۋ كەزىندە جەكە مەنشىكتەگى، ونىڭ ىشىندە اۋىل شارۋاشىلىعى ماقساتىنداعى جەرلەردى مەملەكەت مەنشىگىنە الۋ جانە ساتىپ الۋ قاجەتتىلىگى تۋىندادى. بۇل جاعداي ۋچاسكە يەلەرىنىڭ قازاقستان رەسپۋبليكاسىنىڭ باس پروكۋراتۋراسىنا جۇگىنۋىنە سەبەپ بولىپ، حالىق اراسىندا الەۋمەتتىك شيەلەنىستى تۋدىردى. وسىعان بايلانىستى، باس پروكۋراتۋرانىڭ ۇيعارىمىنا سايكەس جوبانى ىسكە اسىرۋ توقتاتىلدى. بۇگىنگى تاڭدا جوبا بويىنشا جۇمىستار جۇرگىزىلمەيدى»، - دەپ جاۋاپ بەردى نالىبايەۆ.
تۇرعىنداردىڭ تالاپتارى
بۇعان دەيىن ماجىلىسمەندەر بالپىق بي جانە باقتىباي اۋىلدارىنىڭ تۇرعىندارىنىڭ اتىنان جول قۇرىلىسى تۋرالى ءوتىنىشتى جەتكىزگەن بولاتىن. ولار اۋىل ىشىندەگى رەسپۋبليكالىق تراسساداعى كولىك كەپتەلىسى، اۋىر جۇك كولىكتەرىنەن بولىنەتىن زياندى گازدار مەن مايلار، ءجيى بولاتىن جول-كولىك وقيعالارى جانە بالالاردىڭ قاۋىپسىزدىگى ماسەلەلەرىنە الاڭداۋشىلىق بىلدىرگەن ەدى. بۇل پروبلەمانى شەشۋ ءۇشىن «قازاۆتوجول» مەكەمەسى اينالما جول جوباسىن ازىرلەگەن. جوبانىڭ جالپى ۇزىندىعى 18،5 شاقىرىمدى قۇراپ، قۇنى شامامەن 30 ميلليارد تەڭگە بولدى.
جوبانىڭ ماقساتى
پارلامەنتشىلەردىڭ ايتۋىنشا، بۇل جوبا ەلدى مەكەندەر ارقىلى وتەتىن كولىك اعىنىن ازايتۋعا، جول قوزعالىسى قاۋىپسىزدىگىن ارتتىرۋعا جانە ترانزيتتىك قوزعالىستى ەلدى مەكەندەردەن تىس ۇيىمداستىرۋعا باعىتتالعان. الايدا، ءارتۇرلى سەبەپتەرگە بايلانىستى جوبا ءالى كۇنگە دەيىن جۇزەگە اسپاعان. قازىرگى رەسپۋبليكالىق جولمەن وتەتىن تۋريستەر اعىنى جىل سايىن ارتىپ، دوستىق ستانسياسىنا باراتىن جۇك كولىكتەرىنىڭ سانى كوبەيىپ، بالپىق بي كەنتىندەگى قانت زاۋىتىنا قىزمەت كورسەتەتىن جۇك كولىكتەرى جەرگىلىكتى تۇرعىندارعا ەلەۋلى قولايسىزدىق تۋدىرۋدا.
وسىعان وراي، اتالعان اينالما جولدىڭ قۇرىلىسى كولىك اعىندارىن ەلدى مەكەندەردەن تىس باعىتتاۋعا، ترانزيتتىك جانە اۋىل شارۋاشىلىعى تاسىمالدارىن ءتيىمدى ۇيىمداستىرۋعا، جول قاۋىپسىزدىگىن ارتتىرۋعا جانە ءوڭىردىڭ كولىك-لوگيستيكالىق الەۋەتىن دامىتۋعا مۇمكىندىك بەرەدى دەپ كۇتىلگەن.
-
17-لەتنيي كازاحستانسكيي لەگكواتلەت ماكسيم ساجنيەۆ ستال چەمپيونوم ازيي سرەدي يۋنيوروۆ، ۋستانوۆيۆ نوۆىي رەكورد.
-
قازاقستاندىق جەڭىل اتلەت ماكسيم ساجنيەۆ گونكونگتا وتكەن ازيا چەمپيوناتىندا ديسك لاقتىرۋ سايىسى بويىنشا 20 جاسقا دەيىنگى سپورتشىلار اراسىندا التىن مەدالدى جەڭىپ الدى.
