استانادا كەنەسارى حان ەسكەرتكىشى قايتا ورناتىلدى
ەلوردادا كەنەسارى حاننىڭ ەسكەرتكىشى قالپىنا كەلتىرىلىپ، تاريحي تۇعىرىنا قايتا قوندى. بۇل تۋرالى مەملەكەتتىك كەڭەسشى ەرلان قارين الەۋمەتتىك جەلىدەگى پاراقشاسىندا ءمالىم ەتتى.
«استانادا كەنەسارى حان ەسكەرتكىشىن قالپىنا كەلتىرۋ جۇمىستارى اياقتالىپ، ءوز ورنىنا قويىلدى. ءقازىر ەسكەرتكىشتىڭ اينالاسىندا اباتتاندىرۋ جۇمىستارى جۇرگىزىلۋدە»، – دەدى قارين.
ايتۋىنشا، قايتا جوندەۋدەن وتكەن سوڭ مونۋمەنت بۇرىنعىدان بيىگىرەك ەتىپ ورناتىلعان. ەستەرىڭىزگە سالا كەتەيىك، بىلتىر كۇزدە ەسكەرتكىش اپاتتى جاعدايدا دەپ تانىلىپ، نەگىزىنىڭ قيسايىپ كەتۋىنە بايلانىستى قۇلاۋ ءقاۋپى تۋىنداعان. وسىعان بايلانىستى ەسكەرتكىش ۋاقىتشا الىنىپ، تولىق قالپىنا كەلتىرىلدى.
قولادان قۇيىلعان تاريحي تۇلعا تۇلپار ءمىنىپ تۇرعان بەينەدە، بيىك گرانيت تۇعىرعا ورناتىلعان. ەسكەرتكىش اۆتورلارى – ءمۇسىنشى نۇرلان دالباي جانە ساۋلەتشى شوتا ءۋاليحانوۆ.
You Might Also Like
-
رەسەي پرەزيدەنتى ۆلاديمير پۋتين ۋكرايناداعى بەيبىت رەتتەۋ جونىندەگى ىستامبۇل كەلىسسوزدەرىنە قاتىسپايتىن بولدى. كرەمل جاريالاعان رەسمي مالىمەتكە سايكەس، پۋتين دەلەگاسيا قۇرامىنان ءوز ءاتى-جونىن الىپ ...
-
كابۋل بيلىگىندەگى «تاليبان» قوزعالىسى ەلدەگى جالعىز مەملەكەتتىك كينو مەكەمەسى – Afghan Film كينوستۋدياسىنىڭ قىزمەتىن توقتاتتى، دەپ حابارلايدى Infohub Amu.tv-عا سىلتەمە جاساپ.
