«تاليبان» قوزعالىسى Afghan Film كينوستۋدياسىنىڭ جۇمىسىن توقتاتتى
كابۋل بيلىگىندەگى «تاليبان» قوزعالىسى ەلدەگى جالعىز مەملەكەتتىك كينو مەكەمەسى – Afghan Film كينوستۋدياسىنىڭ قىزمەتىن توقتاتتى، دەپ حابارلايدى Infohub Amu.tv-عا سىلتەمە جاساپ.
رەسمي مالىمدەمە جوق بولسا دا، ستۋديا قىزمەتكەرلەرىنە مەكەمەنىڭ قۇرىلىمى تاراتىلعانى جانە جۇمىسىن توقتاتقانى حابارلانعان. Afghan Film 1968 جىلى اۋعانستان كورولى مۇحاممەد زاحير شاح كەزىندە قۇرىلعان جانە ەلدەگى كينەماتوگرافيا مەن دەرەكتى فيلمدەردىڭ دامۋىنا نەگىز بولعان.
2021 جىلى «تاليبان» كابۋلدى باسىپ العان سوڭ ستۋديا قىسقارتىلعان رەجيمدە عانا جۇمىس ىستەدى، جاڭا جوبالار جۇزەگە اسپادى. ستۋديادا 1990-جىلدارداعى العاشقى «تاليبان» بيلىگى كەزىندە ساقتالعان قۇندى كينوارحيۆ بار، ءبىراق ونىڭ تاعدىرى ءقازىر بەلگىسىز. مادەني مۇرالاردى ساقتاۋ ماماندارى ءارحيۆتىڭ قاراۋسىز قالۋى، سەنزۋراعا ۇشىراۋى نەمەسە جويىلۋ ءقاۋپى بار ەكەنىن اتاپ وتىر.
You Might Also Like
-
الماتى وبلىسى، وتەگەن باتىر اۋىلىنداعى قوناق ۇيلەردىڭ بىرىندە 6 مامىرعا قاراعان ءتۇنى جۇرگىزىلگەن رەيد كەزىندە 33 جاستاعى ازامات پەن 13 جاسار قىز انىقتالدى. اتالعان جاعداي بويىنشا قۇقىق قورعاۋ ورگان...
-
سيفرلىق دامۋ، يننوۆاسيالار جانە اەروعارىش ونەركاسىبى مينيسترلىگى مەملەكەتتىك قىزمەتكەرلەرگە ChatGPT قولدانۋعا تىيىم سالىندى دەگەن اقپاراتقا تۇسىنىكتەمە بەردى. ۆەدومستۆونىڭ مالىمدەۋىنشە، وتكەن جىلى ...
