Photo: Ayazhan (https://www.pexels.com/@ayazhan-3173683) / Pexels
استانادا «ءۇش بايتەرەكتىڭ» باسىنا شىققان قىزدار جەلىدە سىنعا ىلىكتى
استاناداعى جۋرناليستەر اللەياسىندا ورنالاسقان قازاق ادەبيەتىنىڭ ءۇش الىپ تۇلعاسى – ساكەن سەيفۋللين، بەيىمبەت مايلين جانە ءىلياس جانسۇگىروۆتىڭ مۇسىندەرىنە جاس قىزداردىڭ ءبىرىنىڭ «مىنگەنى» جەلىدە قىزۋ تالقىعا ءتۇستى.
بۇل تۋرالى Infohub.kz اقپارات اگەنتتىگى حابارلايدى.
وقيعا كۋاسى بولعان جۋرناليست دۇيسەنالى ءالىماقىننىڭ ايتۋىنشا، جاس قىزداردىڭ ءبىرى بەيىمبەت ءمايليننىڭ ءمۇسىنىنىڭ موينىنا شىعىپ، اياقتارىن سالاقتاتقان.
ادەپسىزدىك پەن ناداندىق
جۋرناليست جاستاردىڭ بۇل ارەكەتىن ۆيدەوعا ءتۇسىرىپ، الەۋمەتتىك جەلىدە بولىسكەن. ول ءوز جازباسىندا: «قالامگەرلەر اللەياسىندا دەمالىپ وتىر ەدىم. كەنەتتەن مىناداي كەلەڭسىز ىسكە كۋاگەر بولدىم. اشۋ قىسىپ قاسىنا جەتىپ بارىپ «بۇل تۇلعالاردىڭ كىم ەكەنىن بىلەسىڭدەر مە؟» دەسەم، كوزدەرى ادىرايىپ، «چتو، چتو» دەۋدەن ارى اسپادى. ەش ۇيالۋ، كەشىرىم سۇراۋ جوق. بۇل باسىنۋ ما الدە ناداندىق پا؟» دەپ جازدى.
بەينەجازبا جەلىدە تاراعاننان كەيىن كوپشىلىك قىزداردىڭ ارەكەتىن قاتتى سىنعا الىپ، ولارعا ءتيىستى شارا قولدانۋدى تالاپ ەتتى. جەلى قولدانۋشىلارى مۇنى قازاق حالقىنىڭ مادەنيەتى مەن تاريحىنا كورسەتىلگەن قۇرمەتسىزدىك دەپ باعالادى.
قۇقىق قورعاۋ ورگاندارىنا جۇگىنۋ
استانا قالالىق پوليسيا دەپارتامەنتىنىڭ باسپا ءسوز قىزمەتى بۇل جاعدايعا قاتىستى پىكىر بىلدىرۋگە ۋادە بەردى. وقيعانىڭ ءمان-جايى انىقتالىپ، كىنالىلەر جاۋاپقا تارتىلۋى مۇمكىن.
بۇل وقيعا قوعامدا مادەني قۇندىلىقتاردى دارىپتەۋ مەن جاستار اراسىندا رۋحاني تاربيە ماسەلەسىن قايتا كوتەردى.
-
بىۆشيي توپ-مەنەدجەر كومپانيي Yoozoo Games پريگوۆورەن ك سمەرتنوي كازني زا وتراۆلەنيە سۆوەگو رۋكوۆوديتەليا، پروديۋسەرا سەريالا Netflix «زاداچا ترەح تەل».
-
An incident involving young women disrespecting a monument to a prominent Kazakh writer has ignited widespread criticism and calls for accountability.
