InfoHub Logo

استانادا 10 ناۋرىزدا اۋا رايىنىڭ كۇرت ناشارلاۋىنا بايلانىستى وقۋشىلاردىڭ ءبىر بولىگى مەكتەپكە بارماي، ۇيدەن ءبىلىم الاتىن بولدى. بۇل تۋرالى قالالىق ءبىلىم باسقارماسى حابارلادى.

باسپا ءسوز قىزمەتىنىڭ مالىمەتىنشە، ەكىنشى اۋىسىمداعى 0-6 سىنىپ وقۋشىلارى قاشىقتان وقىتۋ فورماتىنا اۋىستىرىلادى.

"اۋا رايىنىڭ قولايسىزدىعىنا (جەلدىڭ كۇشەيۋى) بايلانىستى 10 ناۋرىزدا ەكىنشى اۋىسىمداعى 0-6 سىنىپ وقۋشىلارى قاشىقتان وقىتۋ فورماتىنا كوشەدى"، - دەلىنگەن ۆەدومستۆو حابارلاماسىندا.

استاناداعى اۋا رايى بولجامى

بۇعان دەيىن «قازگيدرومەت» سينوپتيكتەرى استانا جانە الماتى قالالارىنا ارنالعان الداعى ءۇش كۇنگە – 10، 11 جانە 12 ناۋرىزعا ارنالعان اۋا رايى بولجامىن ۇسىنعان بولاتىن.

10 ناۋرىزدا ەلوردادا ايىرىلمالى بۇلتتى، ۋاقىتىمەن قار، بوران، تۇمان كۇتىلەدى. سولتۇستىك-باتىس جەل سوعادى، ەكپىنى 15-20 م/س، كۇندىز كەيدە 23 م/س جەتەدى. اۋا تەمپەراتۋراسى تۇندە -8...-10، كۇندىز -6...-8 گرادۋس بولادى.

11 ناۋرىزدا استانادا ايىرىلمالى بۇلتتى، تۇندە قار، بوران بولادى. وڭتۇستىك-باتىس جەل سوعادى، ەكپىنى 15-20 م/س. تۇندە اۋا تەمپەراتۋراسى -25...-27، كۇندىز -13...-15 گرادۋسقا دەيىن تومەندەيدى.

12 ناۋرىزدا ەلوردادا بۇلتتى، قار مەن بوران كۇتىلەدى. وڭتۇستىك-باتىس جەل سوعادى، ەكپىنى 15-20 م/س، كەيدە 23 م/س جەتەدى. تۇندە اۋا تەمپەراتۋراسى -13...-15، كۇندىز -3...-5 گرادۋس بولادى.