اسحات ايماعامبەتوۆ ءبىلىم سالاسىنداعى پلاگياتپەن كۇرەسەتىن جۇيە تۋرالى ايتتى
اسحات ايماعامبەتوۆ ءبىلىم سالاسىنداعى پلاگياتپەن كۇرەسەتىن جۇيە تۋرالى ايتتى.
«اكادەميالىق ادالدىق، پلاگيات ماسەلەسى كوتەرىلدى. بۇل ماسەلە بويىنشا دا مينيسترلىك ءتيىستى شەشىم قابىلداۋدا. Turnitin دەگەن ەڭ ۇزدىك 15 مىڭ ۋنيۆەرسيتەت قولداناتىن انتيپلاگياتتىق جۇيە بار. سول جۇيەگە ءبىز بيىل ۇلتتىق جازىلىپ، قولدانۋدامىز. ءبىز نورماتيۆتىك قۇجاتتارعا وگەرىستەر ەنگىزدىك. ەندى بارلىق كۋرستىق، ديپلومدىق جۇمىستار، ارينە ديسسەرتاسيالار مىندەتتى تۇردە وسى جۇيەدەن وتەدى»، - دەپ توقتالدى مينيستر.
ونىڭ سوزىنە قاراعاندا، جازىلعان ەڭبەكتەر بۇل جۇيەدەن ءوتىپ قانا قويماي، سول جۇيەدە ساقتالادى. سوندىقتان، ءبىر رەت جازىلعان جۇمىستى ەكىنشى رەت قورعاپ شىعۋ مۇمكىندىگى بۇدان بىلاي بولمايدى.
سونىمەن قاتار ا.ايماعامبەتوۆ بۇرىنعى ءبىلىم جانە عىلىم ۆيسە-مينيسترى فاتيما جاقىپوۆانىڭ ماسەلەسىنە قاتىستى پىكىر ءبىلدىردى.
«وسى ماسەلەدە ديسسەرتاسيانى قايتادان قاراستىرۋ دەگەن سۇراق بولدى. ونى دا قاراپ شىقتىق. جالپى، 2009 جىلى بۇل ديسسەرتاسيا قورعالعان. ءال-فارابي اتىنداعى قازاق ۇلتتىق ۋنيۆەرسيتەتىندە قورعالدى. سول ۋاقىتتاعى تالاپتارعا ساي دەپ سانايمىز. سوندىقتان، بۇگىنگى كۇنى ول عىلىمي اتاقتى قايتىپ الۋعا زاڭناما اياسىندا ەشقانداي مۇمكىندىك بولماي تۇر. جالپى، بۇل كىسىنى وزدەرىڭىز بىلەسىزدەر، ءوزىنىڭ ءوتىنىشىن جازىپ، سونىڭ اياسىندا ءقازىر مينيسترىكتە جۇمىس ىستەمەيدى»، - دەدى ۆەدومستۆو باسشىسى.
ايتا كەتەيىك، بيىل قاراشا ايىندا ق ر ۇكىمەتىنىڭ قاۋلىسىمەن فاتيما نادىر قىزى جاقىپوۆا بەرگەن وتىنىشىنە سايكەس، قازاقستان رەسپۋبليكاسىنىڭ ءبىلىم جانە عىلىم ۆيسە-مينيسترى قىزمەتىنەن بوساتىلدى .
سونىمەن قاتار فاتيما جاقىپوۆانىڭ عىلىمي دارەجە مەن اتاقتى زاڭسىز تاعايىنداۋ ماسەلەسى بويىنشا وزىنە قاتىستى ايىپتاۋعا جاۋاپ بەرىپ، ايىپتاۋشىلاردى سوتقا بەرگەن.
You Might Also Like
-
كۇرەڭ كۇز. كۇن جەلكەم. ىمىرت قويۋلانىپ، قاراڭعىلىق تۇسكەن. سەكپىل بەت سارى ۇل سەلك ەتتى. الدا قاراڭداپ الدەكىم كورىندى. بۇل كوشەنىڭ بالالارى باسقا جاقتىڭ ۇلدارىن جولىقتىرسا، الىمجەتتىك جاساپ، سەبەپس...
-
— ءدال قازىرگى جاعدايىم سىرالعى بولارلىق ءبىر سەرىگى جوق قاڭعىباس ءيتتىڭ جاعدايىنان دا جامان بولىپ تۇر، ەندى، — دەپ ويلادى جابايى يت دينگونىڭ كۇشىگى دجيممي.
