ءبىلىم ءمينيسترى جاڭا الىپبيدە جازىلعان وقۋلىقتار قاشان شىعارىلاتىنىن ايتتى
ق ر ءبىلىم جانە عىلىم ءمينيسترى اسحات ايماعامبەتوۆ ءبىلىم سالاسىندا قازاق ءتىلى ءالىپبيىن لاتىن گرافيكاسىنا كوشىرۋ ءۇردىسى تۋرالى تۇسىنىكتەمە بەردى.
«قاناتقاقتى جوبانىڭ ماقساتى ءتيىستى ناتيجە الۋعا نەگىزدەلگەن. قازىرگى كەزدە مادەنيەت مينيسترلىگىنە وسى باعىتتا پىسىقتاۋ شارالارىن جۇرگىزۋ تۋرالى تاپسىرما بەرىلدى. ياعني ەرەجەلەر بەكىتىلگەننەن كەيىن، ءبىز قاجەتتى جۇمىستاردى ىسكە اسىرامىز»، - دەپ توقتالدى مينيستر.
وسى ورايدا لاتىن گرافيكاسىنداعى جاڭا الىپبيگە كوشۋ پروسەسى ۇزاق ەكەنىن اتاپ ءوتتى.
«بۇگىندە بۇل باعىتتا ءتيىستى جەتىلدىرۋ جۇمىستارىن جۇرگىزۋ تۋرالى پرەزيدەنتتىڭ تاپسىرماسى بار. ازىرگە، جان-جاقتى پىسىقتالعان ءارى بەكىتىلگەن نۇسقاسى جوق، سوندىقتان 2020 جىلى مەكتەپتە لاتىن گرافيكاسىنداعى الىپبيمەن وقىتىلادى دەپ ايتا المايمىز. بۇل باعىتتاعى جۇمىستار ءتيىستى ۋاقىتتى قاجەت ەتەدى. الدىمەن ەرەجەلەردى بەكىتۋ كەرەك، كەيىننەن قاناتقاقتى جوبا جۇرگىزىلەدى. تەك وسىدان كەيىن عانا ءبىز قاجەتتى دايىندىقتى جۇرگىزەمىز. وسى شارالار اتقارىلعاننان سوڭ، وقۋ-ادىستەمەلىك قۇرالدار مەن وقۋلىقتار ازىرلەنەدى»، - دەدى ايماعامبەتوۆ.
You Might Also Like
-
ەكىنشى سىنىپتى كىلەڭ بەستىككە بىتىرگەن اۋدانبەكتىڭ بىلمەيتىنى كوپ ەكەن. دوڭگەلەنگەن دۇنيە. اسپان الەمى. جارقىراعان جۇلدىزدار. جان-جانۋارلار. الماسىپ كەلىپ جاتكان كۇن مەن ءتۇن...
-
بۇگىن ارمانسىز وينادىم. بالالارمەن بىرگە تۇيەمويناقتىڭ توعايىنا بارىپ، قاراقاتقا ابدەن تويدىق. كوكەم مەن اپام بولسا، قانشا جالىنسام دا، جىبەرمەس ەدى. ولار تاڭ الاكەۋىمىنەن تۇرىپ اۋدان ورتالىعىنا كە...
