InfoHub Logo

اتا زاڭىم – ايبىنىم! كونستيتۋسيا كۇنى!

(ەرەسەك توپتارعا ارنالعان تاقىرىپتىق كەشتىڭ سەنارييى)
كونستيتۋسيا كۇنى!
ماقساتى: بالالاردىڭ وتانعا دەگەن سۇيىسپەنشىلىگىن وياتا وتىرىپ، ەلجاندىلىققا تاربيەلەۋ. پاتريوتتىق سەزىمىن وياتۋ. قازاقستاننىڭ كەلەشەگى وزدەرى ەكەنىنە كوز جەتكىزۋ.
كورنەكىلىگى: مەملەكەتتىك رامىزدەر، سلايد، ءانۇراننىڭ فونوگرامماسى، جالاۋشالار.
(بالالار قولدارىنا جالاۋشالارىن ۇستاپ، مۋزىكامەن زالعا كىرىپ، شاشىراپ تۇرادى)
(فان - فار وينالادى، جۇرگىزۋشى باستايدى)

جۇرگ: قۇرمەتتى بالالار جانە قوناقتار! كونستيتۋسيا كۇنىنە ارنالعان
«اتا زاڭىم – ايبىنىم!» اتتى تاقىرىپتىق كەشىمىزگە قوش كەلدىڭىزدەر!
ەركىن ەلدىڭ اتا زاڭى ارداقتى،
ءاربىر ءسوزى، ءاربىر بابى سالماقتى.
ادام قۇقى، بوستاندىعى، تەڭدىگى،
بارلىعىن دا قاراستىرعان جان - جاقتى!

جۇرگ: - ارايلاعان تاڭدى سۇيەتىن كىم؟
بالا - ر: - مەن.
- التىن ساۋلەنى سۇيەتىن كىم؟
- مەن.
- جارقىن دالانى سۇيەتىن كىم؟
- مەن.
- تۋعان جەردى سۇيەتىن كىم؟
- مەن.
- اتا - انانى سۇيەتىن كىم؟
- مەن.
- دوسىن سۇيەتىن كىم؟
- مەن.
- ەلىمىزدىڭ بولاشاعى كىمدەر؟
- بىزدەر!!!
قازاقستان رەسپۋبليكاسىنىڭ گيمنى!
ورىندالسىن!

تاقپاقتار:

1 - بالا: اتا زاڭىم – بارلىق زاڭنىڭ نەگىزى،
اتا زاڭىم بابالاردىڭ لەبىزى.
ارقا سۇيەر اتا زاڭعا ادامدار،
ارتىق ساناۋ، كەمسىتۋدىڭ جوق ءىزى!

2 - بالا: باستايتىن بولاشاققا ب ا ق كەمەنى،
وسى جول حالىقتىڭ دا ناق سەنەرى!
«حالقىما ادالمىن!» دەپ اتا زاڭعا،
ەلباسى قولىن قويىپ انت بەرەدى!

3 - بالا: ومىردەن ادىلدىك پەن ب ا ق تاباتىن،
قۇقىعىم قورعالدى دەپ شاتتاناتىن
وزىڭدەي جاس وركەندەر كەلەدى ءوسىپ،
«بۇل ءبىزدىڭ – اتا زاڭ» دەپ ماقتاناتىن!

ءان: «وتان – انا!»

جۇرگ: - قازاقستان رەسپۋبليكاسى تاۋەلسىز، ەگەمەندى مەملەكەت. ەلىمىز تاۋەلسىزدىكتى 1991 جىلى الدى. قازاقستان مەملەكەتى ءوز ەگەمەندىگىن العان سوڭ 30 - تامىزدا 1995 جىلى ءوز اتا زانىمىز قابىلداندى. 30 تامىز – مەملەكەتتىك مەرەكە «كونستيتۋسيا كۇنى» دەپ اتالدى. ەلىمىزدىڭ تاۋەلسىزدىگىن دالەلدەيتىن ءوز رامىزدەرى بار.
مەملەكەتتىڭ بارلىق ازاماتتارى - ۇلكەندەر دە، بالالار دا – مەملەكەتتىك رامىزدەردى، ولاردىڭ سيمۆوليكالارىن ءبىلۋى جانە ءتۇسىنۋى ءتيىس. ءوز ەلىڭنىڭ تۋىن، ەلتاڭباسىن جانە ءانۇرانىن قۇرمەتتەۋ – ءوز وتانىڭدى قۇرمەتتەۋ جانە سىيلاۋ!
- بالالار، ءبىز قاي ەلدە، رەسپۋبليكادا تۇرامىز؟
بالا - ر: - قازاقستان رەسپۋبليكاسىندا تۇرامىز.
- قازاقستاننىڭ ەلورداسى قاي قالا؟
بالا - ر: - استانا.
- ءبىز قازاقستان رەسپۋبليكاسىنىڭ رامىزدەرىن بىلەمىز بە؟
بالا - ر: - ءيا. ولار: ءانۇران، تۋ، ەلتاڭبا.
جۇرگ: كانە، بالالار، تاقتاعا قاراپ ەلىمىزدىڭ رامىزدەرىن اتايىقشى!
(سلايدپەن جۇمىس)

جۇرگ: دۇرىس ايتاسىڭدار، بالالار! ءبىزدىڭ ەلىمىز تاۋەلسىز مەملەكەت! ءوز اتا زاڭىمىز، ءوز رامىزدەرىمىز، ءوز سالت - ءداستۇرىمىز بار! ءبارىمىزدىڭ ءوز قۇقىقتارىمىز بار! ەندى ءار بالا باقىتتى ءومىر سۇرۋدە ءوز قۇقىقتارىن بىلۋگە مىندەتتى. ولاي بولسا تاماشالاپ كورەيىك!!!

(مۋزىكا ويناپ تۇرادى، بالالار قولدارىنا قۇقىقتارى جازىلعان پلاكاتتاردى ۇستاپ ورتاعا شىعىپ تەڭسەلىپ بي بيلەپ، كەزەك - كەزەگىمەن ءوز قۇقىقتارىن ايتادى! كومپوزيسيا...)

1 - بالا: مەن بالامىن...
ءومىر سۇرۋگە قۇقىم بار!
2 - بالا: ەرىكتى، تاۋەلسىز بولۋعا قۇقىلىمىن!
3 - بالا: وتباسىندا تاربيەلەنۋگە قۇقىم بار!
4 - بالا: دەمالۋعا قۇقىلىمىن!
5 - بالا: ازاماتتىق الۋعا قۇقىلىمىن!
6 - بالا: ەمدەلىپ، ەم قابىلداۋعا قۇقىلىمىن!
7 - بالا: ءوز - ءوزىمدى قورعاۋعا قۇقىلىمىن!
8 - بالا: ءبىلىم الۋعا، وقۋعا قۇقىلىمىن!

ءان: «مەنىڭ قازاقستانىم!»

1 - جۇرگ: وركەندەپ ءوز قولىنا العان ءىسى،
بيىككە قازاعىمنىڭ سامعا قۇسى،
حالىق بوپ ءقادىر تۇتىپ قاستەرلەگەن،
اتا زاڭ – ازات ەلدىڭ ار - نامىسى!
حالقىمىز بىرلىكتە، تاتۋلىقتا تىنىش ءومىر ءسۇرسىن! ەلىمىزدىڭ ابىرويى مەن مارتەبەسى اسقاقتاي بەرسىن! كونستيتۋسيا كۇنى بارشامىزعا قۇتتى بولسىن! ەڭسەسىن اسقاقتاتقان قازاقستانىمىز جايناپ، گۇلدەنە بەرسىن!!!
ساۋ بولىڭىزدار!!!

دايىنداعاندار: مۋز. جەتەكشى: جولشىبەكوۆا ن. ۋ.
اتا زاڭىم – ايبىنىم! كونستيتۋسيا كۇنى! جۇكتەۋ