اتادان قالعان اق ساۋىت
ارامعا ابدەن بىلعاندى.
باسشىسى جوق سورلى ەلدiڭ
مالى مەن باسى ىلعاندى.
تاسبيىقتى تاستاپ تاس الىپ،
سالدە اياققا شۇلعاندى.
ونەر قىلدى «جاقسىلار»
قاسقىرشا ەلiن جۇلعاندى.
جالا جاۋىپ جالمايدى
جازاسىز قاراپ تۇرعاندى.
ەلەرiپ، ەرiپ كوپ ەل ءجۇر،
بiلمەيدi قۇداي ۇرعاندى.
ءتۇپسiز جاۋعا سانايدى
ءتۇزۋ جولعا بۇرعاندى.

جۇرت نە دەسە، ءۇي دەسiن،
مەن ءۇشiن ەشكiم كۇيمەسiن.
وزدەرi-اق ۇلىپ، شۇبىرىپ،
ىلىققان يتتەي كۇيلەسiن.

ايتا المايسىڭ دۇرىسىن،
الاياق ءبارiڭ ۇرىسىڭ.
جۋاندى سۇيەپ ەل جەگەن
باسشىلارىڭ قۇرىسىن.

قازاقتىڭ كوزسiز بالاسىن
قاڭعىتىپ قايدا باراسىڭ.
ارىڭدى ساتىپ ارامعا،
ادالداپ قالاي الاسىڭ؟

پارتيا قۋىپ شۋلاپ ءوت،
قىزمەتتە وڭكەي ەكى ك...
ارامدى قولداۋ ماعان ار،
بەرگەندەرىڭ ءجون بايكوت.

---