tengrinews.kz
اتىراۋدا پوليسيا قىزمەتكەرلەرىنە توپ بولىپ قول جۇمساعان جاستار ۇستالدى
اتىراۋ وبلىسى ماقات اۋدانىندا ءبىر توپ جاس جىگىت قىزمەتتىك مىندەتىن اتقارىپ جۇرگەن پوليسيا قىزمەتكەرلەرىنە قول جۇمسادى. بۇل تۋرالى الەۋمەتتىك جەلىدە تاراعان ۆيدەودان بەلگىلى بولدى.
بۇل تۋرالى Infohub.kz اقپارات اگەنتتىگى حابارلايدى.
وبلىستىق پوليسيا دەپارتامەنتى باسپا ءسوز قىزمەتىنىڭ مالىمەتىنشە، وقىس وقيعا 3 ساۋىردە، جۇما كۇنى، شامامەن ساعات 22:00-دە بولعان. اگرەسسيۆتىلىك تانىتقان ازاماتتار توبى پوليسيا قىزمەتكەرلەرىنە كۇش قولدانعان. سالدارىنان ەكى قىزمەتكەر زارداپ شەككەن.
پوليسيا دەپارتامەنتىنىڭ حابارلاۋىنشا، وقيعاعا قاتىسقان بارلىق ازاماتتار انىقتالدى جانە ولارعا قاتىستى ءتيىستى شارالار قابىلداندى.
قىلمىستىق ءىس قوزعالدى
«قازاقستان رەسپۋبليكاسىنىڭ زاڭناماسىندا كوزدەلگەن تارتىپپەن، بيلىك وكىلىنە قاتىستى زورلىق-زومبىلىق كورسەتۋ فاكتىسى بويىنشا قىلمىستىق ءىس تىركەلدى. سوتقا دەيىنگى تەرگەۋ امالدارى جۇرگىزىلىپ جاتىر»، - دەلىنگەن ۆەدومستۆو حابارلاماسىندا.
پوليسيا قۇقىق قورعاۋ ورگاندارى قىزمەتكەرلەرىنە باعىتتالعان كەز كەلگەن زاڭسىز ارەكەتتەردى زاڭنىڭ ورەسكەل بۇزۋشىلىعى ەكەنىن جانە زاڭمەن بەلگىلەنگەن جاۋاپكەرشىلىككە اكەپ سوعاتىنىن اتاپ ءوتتى.
-
سكونچالسيا يزۆەستنىي پوەت، پيساتەل ي وبششەستۆەننىي دەياتەل زۋكاي شارباكىن ۇلى، وستاۆيۆشيي زناچيتەلنىي سلەد ۆ كازاحسكوي ليتەراتۋرە ي كۋلتۋرە.
-
بەلگىلى قازاقستاندىق ءانشى قاراقات ءابىلدينا ءوزىنىڭ ۇلكەن ۇلى بەكبولات بولمانوۆتىڭ ۇيلەنۋ تويىنا قاتىستى جاڭالىقتارمەن ءبولىستى.
