Photo: Pixabay (https://www.pexels.com/@pixabay) / Pexels
اتىراۋداعى مەكتەپتە 9-سىنىپ وقۋشىسى 8-سىنىپ قىزىن پىشاقتاپ كەتتى
اتىراۋ قالاسىنداعى مەكتەپتەردىڭ بىرىندە 8-سىنىپ وقۋشىسى پىشاق جاراقاتىن الدى. وقيعا ورنىنا جەدەل جاردەم مەن پوليسيا قىزمەتكەرلەرى كەلدى.
بۇل تۋرالى Infohub.kz اقپارات اگەنتتىگى حابارلايدى.
وقيعانىڭ ءمان-جايى
الدىن الا مالىمەتتەر بويىنشا، پىشاقتاپ العان 9-سىنىپ وقۋشىسى. كۇدىكتى ۇستالىپ، اتا-اناسىمەن بىرگە پوليسيا بولىمىنە جەتكىزىلدى. بارلىق پروسەسسۋالدىق ارەكەتتەر ونىڭ زاڭدى وكىلدەرىنىڭ قاتىسۋىمەن جۇرگىزىلۋدە.
قازىرگى ۋاقىتتا پوليسيا قىزمەتكەرلەرى قاجەتتى تەرگەۋ ارەكەتتەرىن جۇرگىزىپ جاتىر. وقيعانىڭ ءمان-جايى انىقتالۋدا.
قىلمىستىق ءىس قوزعالدى
بۇل دەرەك بويىنشا قىلمىستىق ءىس قوزعالدى.
«ءجاسوسپىرىمنىڭ اتا-اناسى دا بالا تاربيەسىندەگى مىندەتتەرىن تيىسىنشە ورىنداماعانى ءۇشىن جاۋاپقا تارتىلاتىن بولادى»، - دەپ قوستى ۆەدومستۆو.
وزگە اقپارات تەرگەۋ مۇددەسىندە جاريالانبايدى.
دەنساۋلىق جاعدايى
اتىراۋ وبلىستىق دەنساۋلىق ساقتاۋ باسقارماسى حابارلاعانداي، زارداپ شەككەن قىزعا ۋاقتىلى مەديسينالىق كومەك كورسەتىلدى.
العاشقى تەكسەرىستەن جانە شۇعىل كومەك كورسەتىلگەننەن كەيىن ونى ودان ءارى باقىلاۋ جانە ەمدەۋ ءۇشىن وبلىستىق بالالار اۋرۋحاناسىنا جەتكىزدى.
«پاسيەنتتىڭ جاعدايى ورتاشا اۋىرلىقتا، تۇراقتى دەپ باعالانادى. ول دارىگەرلەردىڭ تۇراقتى باقىلاۋىندا جانە قاجەتتى كولەمدە مەديسينالىق كومەك الۋدا. ەمدەۋ تولىق كولەمدە جۇرگىزىلۋدە»، - دەپ اتاپ ءوتتى وبلىستىق دەنساۋلىق ساقتاۋ باسقارماسى.
-
قاراعاندى وبلىسىنداعى جولدارداعى قولايسىز اۋا رايى سالدارىنان مىڭنان استام كولىك كەپتەلىسىنە تاپ بولدى. پوليسيا مەن ەرىكتىلەر كومەك كورسەتتى.
-
An alarming incident occurred at an Atyrau school where a 9th-grade student allegedly stabbed an 8th-grade student. Authorities are investigating the motive and circumstances.
