InfoHub Logo

اتىراۋ وبلىسى جانگەلدين اۋىلىنداعى قاراباليندەر وتباسىنىڭ قازاسىنا قاتىستى ءىس بويىنشا كۇدىكتى سۇلتان سارسەمالييەۆكە جاڭا ايىپتار تاعىلدى. بۇعان دەيىن ەكى نەمەسە ودان دا كوپ ادامدى ءولتىرۋ بابىمەن تەرگەلگەن ءىس ەندى قىلمىستى بىرنەشە رەت جاساعانى ءۇشىن دە ايىپتالۋدا.

بۇل تۋرالى Infohub.kz اقپارات اگەنتتىگى حابارلايدى.

اتىراۋ وبلىستىق پوليسيا دەپارتامەنتىنىڭ حابارلاۋىنشا، سۇلتان سارسەمالييەۆكە قىلمىستىق كودەكستىڭ 99-بابى 2-بولىگىنىڭ 1-تارماعىمەن قاتار، 13-تارماعى – "بىرنەشە رەت جاسالعان ادام ءولتىرۋ" بابى قوسىلعان. بۇعان قوسا، ءىس ماتەريالدارىندا بۇرىنعىداي 188-باپتىڭ 2-بولىگى بويىنشا "الدىن الا ءسوز بايلاسۋ ارقىلى ادامدار توبى جاساعان ۇرلىق" جانە 190-باپ بويىنشا "الاياقتىق" دەرەكتەرى دە قاراستىرىلىپ جاتىر. پروكۋراتۋرا بۇل ەپيزودتاردىڭ مارقۇمداردىڭ جەكە مۇلكىن يەمدەنۋ جانە مالىن زاڭسىز ساتۋ فاكتىلەرىمەن بايلانىستى ەكەنىن مالىمدەدى.

قىلمىستىق كودەكستەگى سارالاۋ

ادۆوكات ابزال قاسىمجانوۆتىڭ ايتۋىنشا، قازاقستان رەسپۋبليكاسىنىڭ قىلمىستىق كودەكسىندە "ەكى نەمەسە ودان دا كوپ ادامدى ءولتىرۋ" جانە "بىرنەشە رەت جاسالعان ادام ءولتىرۋ" دەگەن ەكى ءتۇرلى سارالاۋ بەلگىسى بار. ءبىرىنشىسى – ءبىر وقيعا اياسىندا بىرنەشە ادامنىڭ ءولتىرىلۋىن بىلدىرسە، ەكىنشىسى – ءارتۇرلى ۋاقىتتا جانە ءارتۇرلى جاعدايدا جاسالعان قىلمىستاردى قامتيدى.

قانداي جازا كۇتىپ تۇر؟

ادۆوكات ابزال قاسىمجانوۆ ءىستىڭ قوعامدا ۇلكەن رەزونانس تۋدىرۋى مەن كۇدىكتىنىڭ شەتەلگە قاشۋعا ارەكەتتەنۋىن ەسكەرە وتىرىپ، سوتتىڭ ەڭ قاتاڭ جازا قولدانۋى مۇمكىن ەكەنىن ايتتى. قالىپتاسقان سوت تاجىريبەسىنە سۇيەنسەك، كۇدىكتىگە ءومىر بويىنا باس بوستاندىعىنان ايىرۋ جازاسى تاعايىندالۋى ىقتيمال.

ەكىنشى ادۆوكات، سامات ابۋيەۆ، ادام ولتىرۋمەن قاتار ۇرلىق جانە الاياقتىق بويىنشا ايىپتاردىڭ سوت ۇكىمىنە قالاي اسەر ەتەتىنىن ءتۇسىندىردى. ونىڭ سوزىنشە، جازا قىلمىستار جيىنتىعى نەگىزىندە بەلگىلەنەدى، ياعني جەڭىلىرەك جازالار قاتاڭ جازاعا قوسىلىپ ەسەپتەلەدى. ەگەر قىلمىستىڭ اسقان قاتىگەزدىكپەن جاسالعانى دالەلدەنسە، سوت ءومىر بويىنا باس بوستاندىعىنان ايىرۋ جازاسىن تاعايىنداۋى مۇمكىن. دەگەنمەن، ناقتى سانكسيانى سوت ءىستىڭ ءمان-جايىنا قاراي جەكە بەلگىلەيتىنىن اتاپ ءوتتى.