InfoHub Logo

اتىراۋ وبلىسىنداعى جانگەلدى اۋىلىندا بولعان قاندى وقيعا جۇرتشىلىقتى دۇرلىكتىردى. سۇلتان سارسەمالييەۆ ەسىمدى ازامات ايەلىنىڭ تۋىستارىن بىرىنەن سوڭ ءبىرىن قاتارىنان ولتىرگەن.

بۇل تۋرالى Infohub.kz اقپارات اگەنتتىگى حابارلايدى.

العاشقى قۇربان – 32 جاستاعى ناۋرىز، ياعني سارسەمالييەۆتىڭ ايەلى اقبايان مۇقانعالييەۆانىڭ تۋعان ءىنىسى. ول 2024 جىلدىڭ مامىر ايىندا زەينەتكەر كۇيەۋ بالاسىنىڭ قولىنان قازا تاپقان. كەيىن، التى اي وتكەن سوڭ، قاراشا ايىندا سارسەمالييەۆ ايەلىنىڭ اتا-اناسى مەن ءسىڭلىسىن دە ولتىرگەن.

قاندى قىلمىستىڭ ءمان-جايى

تەرگەۋ ورگاندارى سۇلتان سارسەمالييەۆتىڭ بۇل قىلمىستاردى ەشكىمنىڭ كومەگىنسىز، جالعىز ءوزى جاساعانىن انىقتادى. قايتىس بولعانداردىڭ دەنەسىنەن پىشاق جاراقاتىنىڭ ىزدەرى تابىلعان. ولاردىڭ بارلىعىنىڭ دەنەسىندە التىدان استام جاراقات بولعانى ايتىلدى. وكپە-باۋىرىنا، موينىنا جانە باسقا دا ماڭىزدى ورگاندارىنا پىشاق سۇعىلعان.

سوت-ساراپتاماسىنىڭ قورىتىندىسى بويىنشا، سارسەمالييەۆتىڭ ەسى دۇرىس ەكەنى انىقتالدى. ال ونىڭ ايەلى اقبايان مۇقانعالييەۆاعا قاتىستى تەرگەۋ ءالى جالعاسۋدا. ونىڭ بۇل قىلمىسقا قاتىسى بار-جوعى ءالى بەلگىسىز. ءىس الداعى مامىر ايىندا سوتقا بەرىلۋى مۇمكىن. مارقۇمداردىڭ تۋىستارى ءىستى اشىق سوتتا قاراۋدى تالاپ ەتىپ وتىر.

قايعىلى وقيعانىڭ ەگجەي-تەگجەيى

بۇعان دەيىن اتىراۋ وبلىسى جانگەلدى اۋىلىنان 66 جاستاعى ماقسوت قارابالين مەن 64 جاستاعى ءناسىپ وتەشقالييەۆانىڭ مايىتتەرى تابىلعان بولاتىن. جۇبايلاردىڭ ەكەۋى دە مۇگەدەك بولعان. ولار مال شارۋاشىلىعىمەن اينالىسىپ، اۋىلدان سيرەك شىعىپ وتىرعان.

ناۋرىز بەن مەيرامگۇلدىڭ مايىتتەرىن تابۋ ۇزاققا سوزىلدى. ولاردى تەك كۇدىكتى سۇلتان سارسەمالييەۆتى يندونەزيادان اتىراۋعا اكەلگەننەن كەيىن عانا تاپتى. سول كەزدە ول ءوز ءۇيىنىڭ جانىنا كومگەنىن ايتقان.

اقباياننىڭ قازىرگى جاعدايى

قازا تاپقان زەينەتكەرلەردىڭ قىزى، قازىرگى ۋاقىتتا كۇدىكتى رەتىندە قارالىپ جاتقان اقبايان مۇقانعالييەۆانىڭ تۋىستارى ونىڭ جاعدايىنا تۇسىنىستىكپەن قاراۋدى سۇرايدى. ولار اقباياننىڭ ءوز وتباسىن ءولتىرۋى مۇمكىن ەمەس ەكەنىنە سەنەدى. تۋىستارىنىڭ ايتۋىنشا، قىلمىستى تەك سۇلتان سارسەمالييەۆ جاساعان. ءقازىر اقبايان ەمدەۋ مەكەمەسىندە جاتىر. سۇلتان ەكەۋىنىڭ بەس بالاسى بار.