InfoHub Logo

قوستاناي قالالىق سوتى جەرگىلىكتى تۇرعىننىڭ مورالدىق شىعىندى وتەۋ تۋرالى تالاپ-ارىزىن قارادى. بۇل تۋرالى سوتتىڭ باسپا ءسوز قىزمەتى حابارلادى.

وتكەن جىلدىڭ كۇزىندە قوستاناي قالاسىنىڭ تۇرعىنى جەرگىلىكتى سۋپەرماركەتتەردىڭ بىرىنەن كامپيت ساتىپ العان. قاپتامانى اشقاندا، ىشىنەن زيانكەس جاندىكتەردى كورىپ، شوشىنىپ قالدى. كەيىن ماماندار كامپيتتەردىڭ پارازيتتەرمەن زاقىمدالعانىن راستادى.

«تالاپكەر وزىنە كەلتىرىلگەن رۋحاني كۇيزەلىس، جيىركەنىش سەزىمى جانە ساپاسىز تاۋار ساتىپ العانى ءۇشىن بالالارى الدىندا كىنالى سەزىنگەنىن ايتىپ، 2 ميلليون تەڭگە كولەمىندە مورالدىق شىعىن ءوندىرىپ الۋدى سۇرادى»، - دەپ حابارلادى سوتتان.

جاۋاپكەر ساپاسىز تاۋار ساتىلعانىن مويىندادى، ءبىراق دەنساۋلىققا زيان كەلتىرىلگەنى تۋرالى دالەلدەردىڭ جوقتىعىن العا تارتىپ، تالاپ ەتىلگەن سومامەن كەلىسپەدى. ول 200 مىڭ تەڭگە كولەمىندە ەرىكتى تۇردە تولەم جاساۋعا دايىن ەكەنىن ءبىلدىردى.

«دەنساۋلىققا زيان كەلمەگەنىن، كەلتىرىلگەن ءوتىنىشتى، جابىرلەنۋشىگە ەرىكتى تۇردە وتەلگەن شىعىنداردى ەسكەرە وتىرىپ، سوت وتەماقى مولشەرىن 2 000 000 تەڭگەدەن 250 000 تەڭگەگە دەيىن ازايتۋدى ورىندى دەپ تاپتى. سوت شەشىمى زاڭدى كۇشىنە ەنگەن جوق»، - دەپ ءتۇسىندىردى سوت وكىلدەرى.

بۇعان دەيىن اقتوبە تۇرعىنىنىڭ پوليكلينيكادا «قايتىس بولعانى» ءۇشىن 200 مىڭ تەڭگە العانى تۋرالى حابارلاعانبىز. ول قاتەمەن ولىلەر قاتارىنا قوسىلىپ، دارى-دارمەك الۋ، نەسيە تولەۋ جانە سالىقتاردى وتەۋ كەزىندە قيىندىقتارعا تاپ بولعان.