InfoHub Logo

2026 جىلدىڭ 1 قاڭتارىنان باستاپ قازاقستاندىق جۇرگىزۋشىلەرگە اۆتوكولىكتەرىنە كەز كەلگەن ساندىق جانە ارىپتىك تىركەسىمدى تاڭداۋ مۇمكىندىگى بەرىلدى. بۇل جاڭالىق اۆتوكولىك يەلەرى اراسىندا ۇلكەن قىزىعۋشىلىق تۋدىردى. Tengri Auto بۇل قىزمەتتى قانشا ادام پايدالانعانىن انىقتادى.

ىشكى ىستەر مينيسترلىگىنىڭ مالىمەتىنشە، ەرىكتى ءارىپ-سان تىركەسىمدەرى بار نومىرلەر ەنگىزىلگەننەن كەيىنگى العاشقى ايدا 144 329 ءوتىنىم كەلىپ تۇسكەن، ونىڭ ىشىندە 137 631 مەملەكەتتىك تىركەۋ ءنومىرى (متن) بەرىلدى.

قانداي كومبيناسيالارعا سۇرانىس جوعارى ەكەنى تۋرالى ستاتيستيكا جۇرگىزىلمەگەنىمەن، بەرىلگەن متن سانىنا قاراپ-اق حالىقتىڭ بۇل جاڭالىققا قىزىعۋشىلىعىن بايقاۋعا بولادى. ءاربىر "ءساندى" ءنومىردىڭ قۇنى 10 اەك نەمەسە 43 250 تەڭگە تۇرادى. وسى سوماعا 123AZA01، 321ERA02، 069ARA03 سياقتى كومبيناسيالاردى الۋعا بولادى.

تەك بەرىلگەن 137 631 متن ەسەپتەگەندە، ولاردى راسىمدەۋ بيۋدجەتكە 5 952 540 750 تەڭگە تابىس اكەلدى.

ارنايى حقو-لارداعى ءاجىوتاج

5 قاڭتاردا قازاقستاننىڭ ارنايى حالىققا قىزمەت كورسەتۋ ورتالىقتارىندا (حقو) اۆتوكولىك ءنومىرىن ەركىن تاڭداۋ مۇمكىندىگىنىڭ ەنگىزىلۋىنە بايلانىستى جوعارى سۇرانىس بايقالدى. "ازاماتتارعا ارنالعان ۇكىمەت" مەملەكەتتىك كورپوراسياسىنىڭ حابارلاۋىنشا، جاڭا قىزمەت تۋرالى اقپارات تاراعاننان كەيىن كوپتەگەن وڭىرلەردە حقو-لارعا كەلۋشىلەر سانى ارتقان.

كەيىنىرەك "ازاماتتارعا ارنالعان ۇكىمەت" مەملەكەتتىك كورپوراسياسى "سون" ءموبيلدى قوسىمشاسىنا قاجەتتى ءارىپ-سان تىركەسىمىن تاپسىرىس بەرۋ فۋنكسياسىن قوستى. بۇعان دەيىن "ءساندى" نومىرلەردى الۋداعى ءاجىوتالدى ازايتۋ ماقساتىندا ولاردى بەرۋ ءراسىمىن قايتا قاراۋ تۋرالى ۇسىنىستار ايتىلعان بولاتىن.

بۇل تۋرالى Infohub.kz اقپارات اگەنتتىگى حابارلايدى.