Photo: Pixabay (https://www.pexels.com/@pixabay) / Pexels
«اتىراۋلىق حاكەر» تۇركيادا قولعا ءتۇستى
الەۋمەتتىك جەلىدە «اتىراۋدىڭ حاكەرى» دەگەن اتپەن تانىمال بولعان ازامات تۇركيا اۋماعىندا ۇستالدى. بۇل تۋرالى اقپاراتتىق اگەنتتىكتەر حابارلادى.
وپەراسيا تۇركيانىڭ سامسۋن قالاسىندا ءوتتى. كۇدىكتىنى ينتەرپول قىزمەتكەرلەرى ۇستاپ، قازاقستانعا ەكستراديسيالاۋ ماسەلەسى قاراستىرىلۋدا.
بۇعان دەيىن پوليسيا بۇل ازاماتتىڭ بىرنەشە الاياقتىق ارەكەتكە قاتىسى بار ەكەنىن مالىمدەگەن. وعان قازاقستان رەسپۋبليكاسى قىلمىستىق كودەكسىنىڭ 190-بابى — «الاياقتىق» بويىنشا قىلمىستىق ءىس قوزعالعان.
تەرگەۋ نۇسقاسىنا سايكەس، قۇرمانعازى اۋدانىنىڭ تۇرعىنى ءوزىن ءارتۇرلى قىزمەت كورسەتۋشى رەتىندە تانىستىرىپ، ازاماتتاردى الداپ كەلگەن. ينۆەستيسيا تارتۋ، IT سالاسىندا وقىتۋ، بۇعاتتالعان اككاۋنتتاردى اشۋ، اقشالاي قاراجاتتى شەشۋ جانە تەحنيكا ساتۋ سەكىلدى ۋادەلەرمەن ادامداردىڭ سەنىمىنە كىرگەن. الدىن الا ەسەپ بويىنشا، كەلتىرىلگەن شىعىن كولەمى 13 ميلليون تەڭگەدەن اسقان.
قاڭتار ايىندا اتىراۋ قالاسىنىڭ مامانداندىرىلعان تەرگەۋ سوتى كۇدىكتىگە قاتىستى سىرتتاي قاماۋعا الۋ تۇرىندەگى بۇلتارتپاۋ شاراسىن سانكسيالاعان. وبلىستىق پروكۋراتۋرانىڭ مالىمەتىنشە، ول حالىقارالىق ىزدەۋگە جاريالانعان بولاتىن.
اقپان ايىندا تۇركيانىڭ سامسۋن قالاسىندا ۇستالعان كۇدىكتىنى ەكستراديسيالاۋ تۋرالى سۇراۋ سالۋدى ازىرلەۋ ءۇشىن ءتيىستى ءوتىنىش جولداندى.
ايتا كەتەيىك، بۇل ازامات بۇعان دەيىن اتىراۋ وبلىسىنداعى ءبىر وتباسىنىڭ جوعالىپ كەتۋىنە بايلانىستى رەزونانستى وقيعادان كەيىن الەۋمەتتىك جەلىدە كەڭىنەن تانىلعان. سول كەزدە ينتەرنەتتە ونىڭ ءوزىن «اتىراۋدىڭ حاكەرىمىن» دەپ تانىستىرىپ، ءىستى ءوز بەتىنشە زەرتتەپ جۇرگەنىن ايتقان ۆيدەولارى تاراعان.
-
سبورنايا كازاحستانا پو لىجنىم گونكام پوكازالا دوستوينىي رەزۋلتات نا پاراليمپيادە ۆ يتاليي، فينيشيروۆاۆ پياتوي ۆ وتكرىتوي ەستافەتە.
-
ءنوۆوسىبىر وبلىسىنداعى جاپپاي مال قىرىلۋى ەلدى دۇرلىكتىردى. تۇرعىندار شەنەۋنىكتەردىڭ ارەكەتىنە نارازىلىق ءبىلدىرىپ، پۋتينگە ۇندەۋ جولدادى.
