InfoHub Logo

پاۆلودار وبلىسىنىڭ قورياكوۆكا اۋىلىنىڭ وقۋشىلارى اكىمگە جولداعان بەينەۇندەۋىمەن الەۋمەتتىك جەلىنى ەلەڭدەتتى. بالالار اۋىلدا زاماناۋي فۋتبول الاڭىن سالۋدى سۇراپ، قازىرگى ۋاقىتتا ەسكى، ءقاۋىپتى جەردە ويناۋعا ءماجبۇر ەكەندەرىن ايتتى.

بۇل تۋرالى Infohub.kz اقپارات اگەنتتىگى حابارلايدى.

ەسكى الاڭ، جاڭا تالاپ

اۋىل بالالارىنىڭ ايتۋىنشا، ولار وينايتىن جەردە جاراقات الۋ ءقاۋپى جوعارى. ءتىپتى، اۋىر جاراقات الۋى دا مۇمكىن. ولار بۇل ماسەلەگە بالالاردى قورعاۋ كۇنى مەن جازعى دەمالىس الدىندا نازار اۋدارۋدى وتىنەدى.

قازىرگى تاڭدا جەرگىلىكتى بالالار اۋىلدىڭ ورتاسىنداعى بوس جاتقان جەردە فۋتبول وينايدى. بۇل جەردى تۇرعىندار ءوز كۇشتەرىمەن اۋەسقوي فۋتبول الاڭىنا اينالدىرعان.

تۇرعىنداردىڭ تالاپ-تىلەگى

قورياكوۆكا اۋىلى پاۆلودار قالاسىنان نەبارى 20 شاقىرىم جەردە ورنالاسقان. اۋىل تۇرعىنى جاننا تاتييەۆانىڭ ايتۋىنشا، بالالار بۇل جەردە بىرنەشە جىلدان بەرى دوپ تەۋىپ كەلەدى. وتكەن جىلى عانا اۋەسقوي ويىن الاڭىنا تەمىر قاقپالار ورناتىلىپ، تورلار تارتىلعان.

«مەن جەرگىلىكتى شەنەۋنىكتەرگە بىرنەشە رەت حابارلاسىپ، بالالارعا ارناپ شاعىن فۋتبول الاڭىن سالۋدى سۇراعانمىن. اۋىلدىق جانە اۋداندىق اكىمدەرگە دە جازدىم. ءار كەزدە بىردەي جاۋاپ الامىز: «ءقازىر اقشا جوق، كۇتىڭىزدەر». بۇل جاعداي بىرنەشە جىلدان بەرى جالعاسىپ كەلەدى. بالالار ارتىق ەشتەڭە سۇراپ جاتقان جوق، ولارعا تەك فۋتبول ويناۋعا لايىقتى، ءقاۋىپسىز ورىن كەرەك. ەگەر ەرتەڭ وسى اۋەسقوي قاقپالار بالانىڭ ۇستىنە قۇلاپ كەتسە، ءبىز ءوزىمىز كىنالى بولامىز»، - دەيدى جاننا تاتييەۆا.

اكىمدىكتىڭ جاۋابى

پاۆلودار اۋداندىق اكىمدىگى قورياكوۆكا تۇرعىندارىنىڭ ءوتىنىشىن بىلەتىنىن، الايدا بيىلعى بيۋدجەت اۋىلدىڭ ەلەكتر جەلىلەرىن جاڭعىرتۋعا باعىتتالعانىن حابارلادى. اۋدان اكىمى ديدار يبرايەۆتىڭ ايتۋىنشا، شاعىن فۋتبول الاڭىن سالۋ جانە اۋىلدىق مادەنيەت ءۇيىن كۇردەلى جوندەۋدەن وتكىزۋ الداعى جىلداردىڭ جوسپارىندا بار.

«بۇل ماسەلەلەردى اۋىل تۇرعىندارى ۇنەمى كوتەرەدى. جوبالىق-سمەتالىق قۇجاتتاماعا سايكەس، قورياكوۆكا اۋىلىندا شاعىن فۋتبول الاڭىن سالۋ قۇنى 24،5 ميلليون تەڭگەدەن اسادى. قارجىنى 2027-2028 جىلدارعا ارنالعان بيۋدجەتتەن قاراستىرۋعا تىرىسامىز. ءبىز بالالاردىڭ قاۋىپسىزدىگىنە دە باسا نازار اۋدارامىز»، - دەپ سەندىردى اكىم.

بۇگىنگى تاڭدا قورياكوۆكا اۋىلىندا بارلىعى 172 ادام تۇرادى، ونىڭ 35ء-ى – بالا، ونىڭ ىشىندە 28ء-ى – مەكتەپ وقۋشىسى.